:: منتديات السيد عدنان الحمامي :: - إلى الحسينيين الشعائريين فقط

السلام عليكم ورحمة الله
عظم الله أجوركم بشهادة أبي الأحرار روحي فداه

تطبيري نجاتي ... أفضل من صلاتي
خلها تحارب أفكاري بقايا الجاهلية

-------------------
يبن المصطفى خير الرسل يشافع الناس
ما زلزل إيمان الكلب وأغوانه وسواس
إحنه أهل العقل والمعرفة وأصحاب الإحساس
نبقى لعزاءك سيدي نقيمه ينبراس
ولجلك كل سنة بعز وفخر نخضب الراس

خله يلوم بينه ... الما يعرف ولينه
يكفينه فخر من خدمتك عدنا هوية

----------------
خلي يلوم بينه العاذل وبينه يكفّر
مَنْهِم أبد لليعترض يا ضنوة الدر
كل عام اليمر يبن الهدى نرجع نطبر
ما نتركه رغم العده لو نجرع المر
إنته الصلاة بجلمة الـ( حيدر ) نكبّر

يل ذجرك عبادة ... يا رمز الشهادة
يا شبل الوديعة الطاهرة الزهرة الزجية

---------------
نقر بالصلاة واجب فرض مانعترض يوم
لاجن بليّاك الصلاة بس نكعد نكوم
عدنا الصلاة الواجبة طاعة المعصوم
وإحنه إخذنا من الإمام المهدي مفهوم
يُسْمَح لون من النظر أجرينا الدموم

يُسْمَح من نظرنا !! ... وما نطبر هممنا ؟
جا وين العقل ياللي تضد الجعفرية

-------------
كلي صلاة بلا حسين شتنفع هناك ؟
ما تنفعك لا والذي خالق الأفلاك
حسين الأمل يوم العمل بإيدين الأملاك
تعرضه وتكلك يا بشر هاك العمل هاك
فاز الذي صاح وهتف يا ليتنا وياك

ويحقق رغبته ... هادينا وبضعته
وهناك العزه بمحضر شهيد الغاضرية

راجي دعواتكم
عبد آل محمد
محمد النصراوي