لولوه لولوه * ضناي اوبالدمه اتروه


***


يحازي مهدك اقليبي * ودموعي اتناثرن صوبين


ابني الراح من عندي * ذبحوه اعل صدر حسين


اصدن والمهد خالي * وشوفن بس حزن بالعين


الوليلك يعبدالله * وصداي يناغي بالاذنين


يفقدك بيه وشسوه * ضناي وبالدمه اتروه


***


اضم اقماطك ألصدري * وحس تتهشم اضلوعي


اسكن حزني بألامي * وتطفي ونتي ادموعي


يمهدك لو لمحته بعين * نهدم حيلي ونشب لوعي


وهز امهادك ابوعيي * وصتك نابضي يوعي


واذا حسيتك اتلوه * ضناي او بالدمه اتروه


***


سرحت ابعالمك يمه * ولهت من حسنك افكاري


واذا عيوني غفت لحظه * بنورك تمتلي داري


واذا اصحو من الغفوه * تشب ابفرقتك ناري


ولا اقدر على نوحي * لون جابو الك طاري


اذا نشدوا عليك اهوه * ضناي او بالدمه اتروه


***


اشوفن نحرك المذبوح * وعاين رقبتك يبني


وبجاك امن العطش انساه * حاشه وصرختك بذني


وسهم حرمله من صابك * بحشاشة قلبي صوبني


ومثل حيرت ابوك حسين * نزف نحرك يحيرني


حرمني فقدك الحلوه * ضناي او بالدمه تروه


***


مصيبه شما وصفها الناس * تبقه خافيه الاسرار


لان نحرك لونها اتشوف * تعيش بوحشة الاقدار


ولون راسك وهو محني * تشوفه والنزف مدرار


شحالي وانا من شفتك * واوبك ابذبحتك محتار


امانع دمعتي بقوه * ضناي وبالدمه اتروه


***


اساهر ليلي وي حزني * وتهز امهادك الامي


شبكت ابفقدك العشره * وجفوفي صاحبت هامي


اشوفك بالبدر تطلع *يروحي وسلوة ايامي


يطفلي الماسقوه الماي * صغير وفطمته ضامي


مصابك بالفلك دوه * ضناي او بالدمه اتروه


***


اهالي البيت بس همه * يعرفوا صدري جمراته


وعلمها من لدن ربي * ساعة ذبحه لوياته


وكلت امره الى القائم * يطلب لبني ثاراته


محسن والرضيع اهناك * شهود الدهر ويلاته


مصاب الذبل الصفوه * ضناي او بالدمه اتروه


علي الحمود


30/11/2011

اللهم صل ِ على محمد وال محمد
طيب الله انفاسك الولائية شاعرنا الكريم

علي الورد
على هذه الابيات الرائعة وفقكم الله لكل خير
اسئل الله لكم وافر الجر ودوام خدمة الحسين عليه السلام