:: منتديات السيد عدنان الحمامي :: - قصيده للغدير -- بخى يحيدر -- بخي نادتك

قصيدة فرح للغدير

----

المستهل
---
بخٍن يحيدر -- بخٍن نادتك -- أمة محمد -- كلها هنتك

---

منصب ويحله -- الشخصك ياعلي

للمسلم انته -- تتعين ولي

فرحي يدنيه -- فرحي وهلهلي

ابحب الولايه -- كل هم ينجلي

ابنور الشفاعه -- تضوي غرّتك -- أمة محمد -- كلها هنتك

----

ابتنصيبك اليوم -- فرحت كل نفس

مسروره الاملاك -- والجن والانس

عيد الولايه -- صار الهم عرس

والگمر يرگص -- وفرحانه الشمس

لمن محمد -- يرفع يمنتك -- أمة محمد -- كلها هنتك

-----

وصه النبي وگال -- نلتوا الغانمه

تمت النعمه -- بحماي الحمه

كل محب باچر -- صك ايسلمه

وتتشفع أوياه -- الكم فاطمه

هني الزجيه -- وأعلن فرحتك -- امة محمد -- كلها هنتك

---

يالچفك اشراع -- ومغطي القطب

كل غزوه بيها -- حيدر من تطب

ترهب الفرسان -- ابساحات الحرب

فرجّت عالدين -- كل هم وكرب

متثني وحده -- حيدر ضربتك -- أمة محمد -- كلها هنتك

----

يابطل صفين -- ياهيبة بدر

منك كتايب -- ياحيدر تفر

تنصر الهادي -- ناذرله العمر

ياحلم حلمك -- صبرك ياصبر

تطعن برمحين -- وتدوي رايتك -- امة محمد كلها هنتك

----

ملاحظه --

ب خ ن يحيدر -- ب خ ن نادتك

سيد عدنان الحمامي