:: منتديات السيد عدنان الحمامي :: - وصية الامام الصادق لابنه المهدي

هذي وصيتي الك يالمنتظر يبني – ثارين الي بدنيتي من اللي عذبني
ثار ثار جبدتي – ثار ثار كبتي
يالمنتظر يبني
ـــــــــــــــــــ
يبني يا تالي السلف لابن الزجية – يابقية خالقي فوك الوطية
يلي انته بهالزمن اصعب قضية – وقرة عيون الائمة الهاشمية
اجدادك بطلعتك لاتنسى مطلبها – لنها كضت شاكيه من الاذى لربها
ثار ثار لوعتي - ثار ثار كبتي
يالمنتظر يبني
ـــــــــــــــــــ
الك احقاب الزمن نقلت وصيتي – انظر لمضمونها تعرف قضيتي
واعرف انته بيا سبب حركولي بيتي – لان هذا البيت اظهر اعلميتي
اسالهم لاي سبب ذوله احركوا داري – لن انه بن فاطمه بضعة المختار
ثارثار جدتي - ثار ثار كبتي
يالمنتظر يبني
ـــــــــــــــــــ
هذي مظلوميتي انته تستردها – يا املنه وقائم العترة وسندها
غيبتك غير الله ما يعلم امدها – هذي حكمة تجهل الدنيا بُعُدها
ياطالب بكل ذحول اجدادك العترة – للصادق وجبدته المسمومة ولكبره
ثار ثار مهجتي - ثار ثار كبتي
يالمنتظر يبني
ـــــــــــــــــــ
يبني اختم هالوصية بطلبة عندي – اكصد لارض البقيع وشوف جبدي
مارعوا اهل الظلم حق طه جدي – زمرة المنصور صفيها يمهدي
وبظلمي كلمن سعى تتعقب اثاره – وتنادي يبن الحسن بالصادق وثار
ثار ثار دمعتي - ثار ثار كبتي
يالمنتظر يبني
ـــــــــــــــــــ
ماكفى ذاك الزمن سموا جبدتي – الحقوا بيه الاذى ومارعوا ذمتي
افتوا اولاد اليهود بهدم كبتي – بكل وكت ظلمي جرى وزادت حسرتي
سم جبدتي والكبر مهدومه اركانه – وظل اسمي للمعرفه والعلم عنوانه
ثار ثار حسرتي - ثار ثار كبتي
يالمنتظر يبني
ـــــــــــــــــــ
لخادم المنبر الحسيني
ناظم الفضلي الكربلائي
23\9\2011