يالهمك ابگلبك -- لو ضيعت دربك -- للرضا امشيله -- ميلاد الرضا ع
بسمه تعالى سلام عليكم اسئل الله ان يقضي حوائجنا واياكم بحق السلطان ابي محمد الرضا عليه السلام -- -- -- المستهل -- يالهمك ابگلبك -- لوضيعت دربك للرضا امشيله -- وشعندك احچيله --- يالعندك اهموم اشكثر ومدوهن الفكره ومأيس انته أمن المرض للشفه تنتظره للرضا اتعناله واخذ رايه اله خضره واعگدها يمه وحلّفه أبفاطمه الزهره امن العله تتشافه -- بالرضا والطافه ابنذرك توفيله -- وشعندك احجيله -- سلطان هوه بالكرم معروف وبعطفه وهوه طبيب الكل علل والوادم اتعرفه يالتشكي بعيونك رمد وتدور الوصفه الشباچه طوفه وجمرتك من الرمد تطفه العينك يشافيها -- والماي لوبيها من عينك ايشيله -- وشعندك احجيله -- چم اعمه من يمه دخل ويرد نظر عينه بالجود ماواحد اجه مثل الرضا وينه حتى الذي دين انطلب يوفي اله دينه وللمعوز او عنده عسر ميقصر ايعينه اطلبها اطلبها -- امن الرضا اطلبها الغيره لتشكيله -- وشعندك احجيله -- ياهو عزيز امفارگه لو مبتعد عنه للرضا ايروح ايعفره الشباچه بالحنه ومن عنده يطلب هالطلب مايعتذر منه ايفرحه ابو محمد أبد ميخيبه الظنه والغالي والغالي -- يرجعلك الغالي وبوسات تهديله -- وشعندك احجيله -- سيد عدنان الحمامي |
الساعة الآن 02:54 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010