:: منتديات السيد عدنان الحمامي :: - تصرخ الليلة الحزينة

[color=rgb(160, 82, 45)]

تصرخ الليله الحزينه * حيدر يحيدر
اعلينه لحگ يا علينه * حيدر يحيدر
----------
علي بويه وينك - بلألم ناخينك
انذبح بويه احسينك - انسلبت انساوينك
امعين وينه الي يعينه * حيدر يحيدر
----------
جبهته رضوها - شيبته خضبوها
چبدته صابوها - رگبته گطعوها
اگبالي بويه ذابحينه * حيدر يحيدر
----------
ضنوة امي الزهره - اعتلى شمر الصدره
اگبالي يگطع نحره - اگبالي هشموا صدره
بالخيول امهشمينه * حيدر يحيدر
----------
يا ألم گدامي - ناده گلبي الضامي
بويه اجو لخيامي - روعوها ايتامي
وجّوا اخيمنه علينه - حيدر يحيدر
----------
الخيم حرگوها - الحرم سلبوها
أطفالي هم چتلوها - ابخيلهم داسوها
وليه يا بويه انولينه * حيدر يحيدر
----------
انشده بلهم بالي - گمت الم بطفالي
عندي ما ظل والي - الليله يحمي اعيالي
ردت من عندك تجينه * حيدر يحيدر
----------
اويه الحرم سلبوني - يا علي وشتموني
وبلعصي ضربوني - كسروها امتوني
وضربوا اعزيزتي اسكينه * حيدر يحيدر
----------
بس عليل اويانه - باقي من احمانه
آيجمر احزانه - شنظر من اعدانه
چم ألم شاهدت عينه * حيدر يحيدر

[/color]