:: منتديات السيد عدنان الحمامي :: - راح امن ايدي اوليدي الأكبر

:: منتديات السيد عدنان الحمامي :: (http://www.adnanalhamame.com/vb/index.php)

- قسم الشعر ،، النبطي والومضات والمقطوعات العامه (http://www.adnanalhamame.com/vb/forumdisplay.php?f=46)

- - راح امن ايدي اوليدي الأكبر (http://www.adnanalhamame.com/vb/showthread.php?t=1894)

راح امن ايدي اوليدي الأكبر

راح امن ايدي اوليدي الأكبر
----------
من طاح الأكبر بالمصرع * ناده حسين وهلّ المدمع
گلبي مو جسمه اللي اتگطع * اوحيد اعليه آلاف العسكر
----------
طب للحومه ايقاتل وحده * ونار اضماه اتفور ابچبده
راح الأكبر وشظل بعده * امطعّن برض الطف امطبّر
----------
برض الطف اموزع جسمه * سابح ظل عالغبره ابدمه
الله ايساعد هلليله امه * من ردوا ليها ابهالمنظر
----------
حاجيني اتگله يعيوني * يالچانوا بيك ايهيبوني
بيك العدوان ايفجعوني * بيمن عگبه اتصيح اتصبر
----------
يلچتلوك ابحربك ظامي * يا ثمرة روحي وأيامي
أنظر جسمك بالدم دامي * صحت ابحرگه الله واكبر
----------
امبارك ردوك الصيواني * مچتول ويا ذنب الجاني
أصرخ آيا جمر احزاني * اترد لاچن شترد اموذر
----------
دليني يبني اعلى اجروحك * انداويك وبالونّه انوحك
ريت امك تفديك ابروحك * جمرة فگدك بالدم تسعر

احسنتم كثييييييييييييييييييييييييييييييييييييييرا وربي يتقبل منكم كل خييييير

شكرا عله القصيده الرائع والمميزه

في حق الأكبر شبيه رسول خلقه ومنطقا

وسئل الله بحق علي الأكبر ان بقضي حوائج جميع المؤمنين والمؤمنات

اللهم آآآآآآآآآآآآآآآآآميين يارب العالميين

وشكرا عله المجهوود الذي تيذلونه في تطوير هذه الصرح المبارك والعطر

وسئل الله في هذه الايام المباركه ان يقضي جمييع حوائجكم اللهم آآمين

وراجو تقبلو مروري

تحياتي ودعائي