ركبت رضيعي من السهم لاويهه

جن كلبي يعلم حرمله يسويهه

عبد الله لجله العين اريد اطفيهه

والطم عليه ابنار حته اعميهه

-------

ياظلع ضمدلي النحر واعذرني

وحاورني عن كسرك اولوعة حزني

تعذرني من بلواي اصيحن ياابني

عطشت ذممهم دم طفل يرويهه

--------

يادنيه جوري وزيدي لو ظنيتي

يخمد لهيبج لو يهدم بيتي

خذتي الشباب اوعطفل رديتي

شنهو البده امن اكلوبنه اوتجويهه

--------

بياشرع نكضي بياذنب تسبينه

خسرانه بنياب الغدر تلوينه

مظلوم يلي ابغيضج اتفطمينه

كطع دليلي ومهجتي سابيهه

------

مخروع يمكن فزز سهم البين

نحبة الزهرة وفجعت حور العين

حل الكماط وحضن دلال حسين

طيب الجنان حسين ينعم بيهه

----------

ملهوفه وبسوط السبي يمنعني

حرمله راد ابنبلته ايروعني

يمكن يردلي لهفتي ويسمعني

لو شاف حال امه اليسر ماذيهه

------------

جف صدري لاجن شربيت اوليدي

بنهار دمعي ولطم خدي ابيدي

ياريت سهم البين صوب جيدي

تبجي وتناغيله عسه ايحاجيهه

-------------


قربان بالدم نكعوهه اهدومه

مات الضمير ويغط جذبه ابنومه

تناشد المله ابحركة المالومه

وصمه وفضحه النحر شيغطيهه

---------

تكلب ببنهه وتهز شوغة مهده

خافت صهيل الخيل عنوة ايجعده

تلوليله مره ومره تحضن لحده

وامن الوهم ماتقبل ايصحيهه

--------------

مذبوح يالعمرك بالحساب ايام

شيب زمانك والدهر مايلام

دعوة مذله وطاوعته الاثام

همه تنحي الناس عن واليهه

*****************