:: منتديات السيد عدنان الحمامي ::

شهر الألم والاحزان * الله من هالشهر
تنزف بگت لينه انحور * من يوم عاشر عاشور
الله من هالشهر
----------
اويه اهلال المحرم يهل الدمع - وكل گلب ذايب بالحزن بالطبع
چم نحر بيه لآل النبي ينگطع - ابهل شهر بحسين وهله ننفجع
اهلال الحزن لو هل صار * بهلاله يرسم صور
يرسم حزن يرسم موت * وحتى النبي صاح ابصوت
الله من هالشهر
----------
حتى النبي ابعهده وامام المله - ابجمرة ونينه اينادي ويقبله
چن انظر الشمر اعلى صدره اعتله - اه من محرم واه من كربله
ابگلب النبي اهلال الشوم * اشخلف ابگلبه أثر
خلف دمه وهم وجروح * هذا الشهر شهر النوح
الله من هالشهر
----------
وشيرسم النه الشهر لمن يهل - يرسم ضمه ابكل چبد ظل يشتعل
وشيرسم العبد الله أجمل طفل - أصغر شهيد الينفطم بالنبل
يطلب اُميه ويرموه * ابسهم الحتف بالنحر
ظامي الطفل ماي ايريد * ولن السهم صاب الجيد
الله من هالشهر
----------
الحامي الضعن شهر المنيه اشرسم - يرسم مشاهد كلها لوعه وألم
راس الوفه ابعامود غدر انهشم - وعين الأخوة انطفت باشرس سهم
وشلون اخيه اتعناه * متلهف اعلى النهر
ابلا هامه شافه وچفين * عنده انكسر ظهر حسين
الله من هالشهر
----------
ويرسم اهلال الشهر أبشع حرب - يرسهم سهم طر للحسين الگلب
ويومين اله ظامي ومضاگ الشرب - مذبوح عاري امگطع اعلى الترب
وزينب اتحشم بالناس * ومحد الزينب نغر
لن تنغر الها الفرسان * اتهشم ابصدر القرآن
الله من هالشهر
----------
واه يا مصابچ زينب ام الخدر - من ايد ابو فاضل الإيد الشمر
وششافت اعيونچ ابدرب اليسر - چم سوط بمتون الحرم ينكسر
فخر الهواشم يا حيف * دولبها چف القدر
من بعد عين العباس * باليسر توليها الناس
الله من هالشهر