:: منتديات السيد عدنان الحمامي :: - من هي أم المولى علي عليه السلام ؟

السلام عليكم ورحمة الله

يا كعبة اللي جابت حيدر /// صار سنين بهاي محير
-------------
حيدر حارت بيه الدنيا /// وعجزت كل الناس توصفه
مو عجبه وحقك يالسامع /// نقطة الكون يضيع بصفه
حيدر سر الكل يجهله /// وبس طه وربنا اللي يعرفه
مصدر نور الكون وهوّ /// لكل خيرات الكون المصدر
------------
صار سنين محير فكري /// بوالينه ياهي اللي طلكت
الكعبة الرحم الصارت لجله /// لو تسع شهور البي حملت
ما جانن أم بنص كعبة /// كعبة بنص كعبة وما كفت
شتكفّيه وحيدر لجله /// الكون وكل البيه تصور
-------------
بحيدر حين الطلكت أمه /// وطلكت بيه الكعبة وياها
صاحن يا من بيك الشده /// تزول بلحظتها وننساها
أمك تنخاك بطلكتها /// والكعبة تأكد نخواها
يامن تحضر للي يندبك /// بهاي الشدة نريدك تحضر
------------
وحضرت بشدة والدتك /// وهانت بحضورك كل شدة
وميلادك صارت لحظاته /// أجمل وألطف وأسعد مدة
ولن صوت الكعبة بكل فرحة /// ميسورة الطلكة المتوحدة
ميسورة وحك إبنج حيدر /// وإبني الجنه البدر الأزهر
----------------
سمعنه بوحدة تجيب إثنين /// وتلاثة وأربع هم صارت
لاجن واحد بيه يطلكن /// أرحام إثنين الما دارت
يا معجزة الكون الأغرب /// يل بيك الألباب إحتارت
ننخاك ونتأمل تقبل /// شيعة نظل لحد المحشر

تلميذكم وسائلكم الدعاء
محمد النصراوي