|
قصيده بحق الحوراء زينب (ع) ادخل هنا للبركه
زيـنـب وحـيــده ----- بالطف يـزهـره يعجـب صبرهـه ----- محــد يـصبــره وتـلاوي چــف الـبـيــن من راح اخـوها حسيـن ********************* لون چنتي بربوع الطف وشاهدتي الجـره والصار چان انسيتي يــازهــره بالطــف لـوعــة البسـمــار وزينب حاضره اتـشاهــد اخــوتـهـه غـدوا طشار ما ظل عـدهـه لا نـاصر ولا حـامي الحـمه ولادار ظلت وحيده ----- اخـوتـها راحوا كلهـم رمـيه ----- عالغبره طاحوا بس تـهـمـل العـيـنـيـن من راح اخوها حسين ******************* شافت كل هموم الطـف صبرهـه زيـنب اشكـبــره ولو بالطف حضرتي چان نسيتي الباب والعصره وزينب شاهــدت ابطـال مـتــوسـديـن عـالـغـبــره صبرت والجـره اعـليـهـا تـدري امـقــدر بـأمــره لاچن صبرهه ----- بـالـغـاضـريـه واجب عـليها ----- چان و وصيه واجـب تحـس وديـــن من راح اخوها حسين **************** هــاي ام الخــدر زيـنـب مـنــچ كــل سجــايــاهــا والــدهــا عـلـي الكـرار وجـدهـه المصطـفى طـه من حضرت الوادي الطف صبرهـه جـابته وياها وهـذا الـصبــر يـازهــره بـعـلـه الـقـمـه خــلاهــا بالاخوه ضحت ----- ويصب دمـعـها ميسر يــزهره ----- بالطف وضعها وصاحـت يحـيـدر ويـن من راح اخوها حسين *************** صبر الصبرتـه زينب بالطـف صبـر مايـنـقـاس من راح الحسين وراح كافـلهـه الاخـو عـباس لاچـن شامخـه بعـزهـه زينب مـا تـطـخ الــراس ملـتـزمه بـوصايه حسين وتگـول الجـره لاباس لاچن وضعـهـا ----- يصعب عليها محـتاره كلشي ----- ما ظل بـديـها هالحيـره تـدري امنين من راح اخوها حسين *************** امانـه الصبـر يـازهــره مـن حسيـن نــاداهــا ودعـهــا امـانـه وراح اخـوهـا وذمـه سواهـا تحـفـظين الخـدر بعـدي اخوها حسين وصاها وزينب تسمـع وتحـفـظ وصيه ولخـتـه خـلاها حست يـزهـره ----- گـربـت مـنـيـته لحسين اخوها ----- حفـظت وصيته حفـظـت وصيته زيـن من راح اخوها حسين *************** ظلـت من بعـد لحسين زينب حـايـره بـهـمـهـه وهـذا الكـون يـازهــره كـل الكون مـيـلـمــهــه من حضرت بهيـبه وجاه واحباب الگلب يمهه حست عـرفـت وبالصار گلبـهـا چـان يعـلمـهـه ادت امــانــه ----- ادتهـا كلهـا زينب يزهره ----- محد مثـلهـا وشتـنـتـظــر بـعــديـن من راح اخوها حسين *************** خادمكم رياض الرسل |
احسنتم كثيرا ابو عباس الورد
قصيده موفقه ان شاء الله اسئله لك العافيه والتوفيق ان شاء الله تحياتي ودعائي |
موفق على هذا النفس الحسيني الحيدري
قصيدة رائعة من البحر الطويل |
احسنتم سييدنا ربي يوفقكم وطيب الله انفاسكم الزكية
لكم مني اطيب وارق التحايا اخوكم الاصغر علي |
احسنتم وبارك الله بكم شاكرين جهودكم المباركة
ونتمنى لكم كل الموفقية والنجاح تحيتي الطيبة لكم |
| الساعة الآن 05:36 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010