فاركتهم دمعه وتفارك جفنها
 

فاركتهم دمعه وتفارك جفنها
اتركتهم لوعت الام عله ابنها
بسرعه المهد تركته..ليش بسهم ذبحته
&&&
ارخصت روحك تذر يايمه الهم
ودمك الغالي نزل ليش بسهمهم
المايعروفنك صعب احنه شنكلهم
بروحي وبكلبي الالم يايمه منهم
صعبه يايمه لون اسكت وعدي
وانتظر يم المهد ايدي عل خدي
دمك ييمه شفته.. ..ليش بسهم ذبحته
&&&
انا ابني من الزغر للطف نطيته
شكثر نام عل صدري مانسيته
لكبر يوم الشيب ابني كبريته
تالي ياحيف بسهم راح لمنيته
هاي امك يبني بيكم لوعوها
بنفس سهمك العده من اذبحوها
ابني نذر نذرته.. ..ليش بسهم ذبحته
&&&
اسمعت قصة نبي اسماعيل منهم
اهلي الربوني واهل البيت كلهم
من فده وليده فده وقدمه الهم
ربك من الصبر بااكرامه كرمهم
يا ربي هذا النذر مني علمودك
حتى اشعر انه قدمت شي بوجودك
ابني بزغر فطمته.. ..ليش بسهم ذبحته
&&&
ادري يمليه القهر لو مات عنده
البشر خصله بحنانه وي ولده
الطفل من المهد بس لمه ورده
تسهر الايام عل نومه وتكعده
ردت منه بالكبر يحمل حملهم
يكبر وي اخوانه ويصير بضعنهم
بسرعه بعجل فكدته.. ..ليش بسهم ذبحته
&&&
من يروح الامل مني اشلون اجيبه
واليموت تشوفه عينك مو عجيبه
لاجن الاصعب واشد نار المصيبه
الراح يايمه من اديه اسمه نحيبه
ناري يمه بالكلب يسعر جمرهم
صعبه عل فارك مهد ينسى ولدهم
حتى المهمد سئلته.. ..ليش بسهم ذبحته
&&&
راح مني الجان الي هوه سلوتي
اليوم يايمه برحيلك روحي موتي
ابني وتناشد بليلي وكل روجتي
لله الباري اشتكي ويسمع شكوتي
شفت بسهام الغدر خذته المنيه
طفل راح بنار يوم الغاضريه
كلبي اله منحته.. ..ليش بسهم ذبحته
&&&
خادم اهل البيت
ابو علي السعيدي