:: منتديات السيد عدنان الحمامي :: - ابوذيات للامام الكاظم ع اقول

لانوح الرضه بحكمك..ولا هود
وكلبي ماركد ساعه..ولا هود
يموسى الحكم للظالم..ولا يهود
حكم هارون حكم ابن الدعيه

حكم هارون سنه عليك..حكمه
السجن ندري عباده اتكول.حكمه
عقلك للرشيد الصار ..حكمه
حكمته بلا حكم شر البريه

حكمته بحكم بالاغلال..والقيد
بسجل رب العرش مكتوب..والقيد
مثل ذيج التهم بالناس..والقيد
سجنك اشد من سجنه لنبيه

سجنك لو سجن يوسف..علي ناح
وعليك الدنيه هل ناحت..علي ناح
انت الطائر وراهب..علي ناح
وانت الناحت اعليك البريه

نهارك منعرف صدك ...بليلاك
وكلبي هام بوجودك..بليلاك
امتحان العرش من ربك..بليلاك
صبرك صار للصابر هويه

دعيت ودعوتي ربي..لباهه
الرسول الكال ولاامته..لباهه
بيكم يثبت اركاني..لباهه
احنه اركان كل هاي الدنيه

حادم اهل البيت
ابو علي السعيدي