|
اليوم الاول من محرم --- تودعني تودعني ---- للمسير --- للمسير
اليوم الاول من محرم --- تودعني تودعني ---- للمسير --- للمسير بسمه تعالى سلام عليكم اسئل الله لكم ولنا حسن التوفيق في خدمة محمد وال محمد ص -- -- -- المستهل -- تودعني تودعني -- آنه امك تودعني حسين اتوادع اويه امه -- يسمع فاطمه اتكلمه تودعني تودعني -- حسين ودمعه يتهامل -- للزهره يودعها يسمع من لحدها الصوت -- تبچي ابحرگه يسمعها هذا اوداع وين اتريد -- لمك ليش تفجعها مو تدري الصدر مجروح -- والبسمار روعّها وين اتريد وين اتريد -- يبني حسين وين اتريد ضلعي يبني لتلچلمه -- يسمع فاطمه اتكلمه تودعني تودعني -- گاللها بحزن گلبه -- ويتلاهب دليله ابنار يمّه عنچ امسافر -- هليله اصبحت خطار وباچر احدي بضعوني -- ولا واحد يظل بالدار عندي بس عليله اتظل -- ماتحمل سفر وأخطار تبچيني تبچيني -- اعاينها تبچيني كثرت للگلب همه -- يسمع فاطمه اتكلمه تودعني تودعني --- سمع من اللحد فد صوت -- صوت اختنگ بالعبره ونتها ابضلع مكسور -- بألمها أتكلمه الزهره يحسين المسير اطويل -- يبني ورحلتك خطره وعني لو خذت ولياك -- گبر أمك منو ايحضره لاترحل لاترحل -- يبني حسين لاترحل گبري من يجي يمه -- يسمع فاطمه اتكلمه تودعني تودعني -- جاوبها ييمه الدين -- حرفوا كل معانيه وعالذل مابعد اصبر -- ولا ارضه بعبوديه ابدمي ارد اضحيله -- ولآخر نفس بيّه حتى لو عدوي ايجور -- تذبحني مواضيه اجاهدله اجاهدله -- ديني كون اجاهدله وتراب الگبر شمه -- يسمع فاطمه اتكلمه تودعني تودعني -- ظل ايسولف او تسمع -- ويسمع من گبرها اونين گالتله يرحانه -- المحمد يبني ورياحين ولمك يبني چنت الروح -- ومهجتها وضواها العين وحدك عالسفر ناوي -- لو كل الاهل ماشين شبانك شبانك -- تظعن كلها شبانك مو صدري نزف دمه -- يسمع فاطمه اتكلمه تودعني تودعني -- يُمه فاطمه الشبان -- واخوتي كلهم الطيبين بحزام الوفه وياي -- يمه ابغيره متحزمين عباس وثلاث ابطال -- ابسوح الموت معروفين وحتى البلمهد يرضع -- ايجاهد رايد الهل الدين رايدهم رايدهم -- يمّه المجد رايدهم قربان الدمه انقدمه -- يسمع فاطمه اتكلمه تودعني تودعني -- نشدت يبني اختك وين -- زينب خل اكلمها اودعها وتودعني -- عزيزة فاطمه امها لختك من يباريها -- ابها المسره ويلازمها ماريد الدهر يحسين -- منك يبني يحرمها ترعاها ترعاها -- لختك يبني ترعاها وعمرك ربي اليسلمه -- يسمع فاطمه اتكلمه تودعني تودعني -- سيد عدنان الحمامي |
بسمه تعالى
سلام عليكم -- -- -- يودعهم يودعهم -- يرحل من يودعهم لأمه ودع وجده -- حسين اشظل بعد عنده -- يحسين ابوداعك وين -- تودع أمك اوجدك او دمعات التهلها العين -- جمره اتهل على خدك راحل ويه اهل بيتك -- يولا راحل ابوحدك تارك موطن اهلك ليش -- تعوفه المن اشعندك من ايطلبك منو ايطلبك -- لأمر دينه منو ايطلبك الناس الدين وتضده -- حسين اشظل بعد عنده -- يحسين السفر متعب -- ودروبك خطر كلها حراير كل بني هاشم -- وياك ومنو الها تباري ليله لو رمله -- ابعينك والمحاملها وزينب مطمئن عنها -- الاخو عباس كافلها حرم واطفال حرم واطفال -- منو ايباري حرم واطفال وياهو ايباري كل وحده -- حسين اشظل بعد عنده -- هذا اوداع بس يحسين -- ماظن للوطن رجعه مابين المراره وآه -- مابين البچي ودمعه مابين المآسي اتشوف -- وصوت النايبه اتسمعه وفراگ الاهل واعزاز -- او فجعه وبأثر فجعه الك شبان الك شبان -- چنها ابدور الك شبان واليفگد اعز ولده -- حسين اشظل بعد عنده --- راحل يامهمه هاي -- وشتحمل عزم بيها تعلن للجهاد اتريد -- وتذل كل طواغيها العبوديه ارفضت للناس -- تعيش ابعز ردت ليها متساوم ابد عالدين -- راية حق تعليها نصير الحق نصير الحق -- كل عادل نصير الحق للحق لابد ايرده -- حسين اشظل بعد عنده -- يحسين ابثورتك هاي -- كلها اموضحه الاسرار هذا مبدأ الابطال -- هذا منهج الثوار تنصر للعداله اتريد -- اتأ سس مدرسة احرار اتعيده المنهج القرآن -- وسنة جدك المختار يعم الخير يعم الخير -- على الوادم يعم الخير منهج والده وجده -- حسين اشظل بعد عنده -- روح امودع بالله -- يحسين وترد سالم ناهض تنصر المظلوم -- ضد كل طاغي كل ظالم أمة جدك المختار -- انته بحالها عالم وكل اللي تريده ايصير -- لأنك عالنصر عازم تضحي اتريد تضحي اتريد -- لجل دينك تضحي اتريد الله يرحم بعبده -- حسين اشظل بعد عنده -- سيد عدنان الحمامي |
بسمه تعالى
سلام عليكم -- -- -- يحسين اتودع اوطانك -- يحسين الياديره امسافر بظعونك وتريد اتخاطر ياهو اوياك ايروح ايناصر وحدك لوتاخذ شبانك -- اتعوف اشلون الهذا الموطن شلون الزهره اعليك امن اتحن ترحل سهله يحسين اتظن وتريد اتجاهد عدوانك -- بحر الاخطار امن اتعبره يحسين اشتحمل يافكره لو ناهض يحسين ابثوره للدين اتنصره بايمانك -- مو خاف ايغيبون اهلالك يحسين ورايح بعيالك شبان اوياك واطفالك لله اتقدمهم قربانك -- تنفعهم متريد اتضرهم اوياهم يحسين و تنصرهم رايد بالروح اتحررهم يامصلح اصبح عنوانك -- بين اثنين امخير انته لوذل لو عمرك قدمته يحسين وللذل ماردته وتضحي اتريد ابميدانك -- سيد عدنان الحمامي |
اهلالك --- للمسير
بسمه تعالى سلام عليكم -- -- -- يحسين السفر يحسين هذا ابعيد بعيالك واخوتك وين ناوي اتريد -- يحسين السفر ليغيب اهلالك شديت الرحال وماشي بعيالك وطن جدك تعوفه بيد عذالك بيد اهل المعاصي وطاغيتها ايزيد -- بيد العاصي واللي ماعرف ربه عبّادة وثن هالطاغيه صلبه الشخصك ماعرف من النبي گربه ريحانه ويشمك جدك امن الجيد -- من الجيد چان المصطفى ايشمك ويقبلك ابصدرك چان ويظمك تودعه شلون وتودع گبر امك وآلام البگلبك عالزجيه اتزيد -- ودعها وبچت يم الگبر عينه ابنچ مايريد الذل تعرفينه يمشي ورايد ايجاهد لجل دينه وعالذل والهوان اشلون امدّ الايد -- ديني رايد انضحيله دم ارگاب وحگ ضلعچ ييمه اللي نزف بالباب نفدي ارواحنه ومن العدو منهاب الهيبة دين جدنه بالرگاب انعيد -- ودع فاطمه ودع گبر جده ناوي اعله الرحيل ومايمد يدّه عن دينه يجاهد هالامر عنده وللطغيان ماغير الجهاد ايريد -- سيد عدنان الحمامي |
بسمه تعالى
سلام عليكم --- -- - المستهل ---- عازم يحسين اعله المسره --- يالظاعن باهلك واعيالك شبان أوياك واطفالك عن مكه لوغاب اهلالك گلب الكعبه اشراح ايصبره --- يحسين أوجدّك ودعته بآلامك والهم احملته ودمع العين بحرگه اذرفته من مريت ابگبر الزهره ---- گبر امك ودعته اشلونك يحسين ابدمعات عيونك گلتلها الكوفه يردونك وبصدرك تتلاهب جمره --- گاصد يحسين الياديره وگلب اختك زينب بالحيره أمصيبتها اتعاينها اچبيره باچر يادم يجري اتنظره ---- صبّرها الزينب صبرّها ياخوها أوطيب خاطرها يحسين ابهل الرحله اخبرها وگلها الدين ايريد النصره ---- أيريد الدين النصره بدمي ونتي ابصبرچ يابنت أمي وهمچ يابت حيدر همي أدري اخلافي ابخدچ عبره ---- سيد عدنان الحمامي |
بسمه تعالى
سلام عليكم --- -- المستهل --- وين انويت -- يسور البيت -- خويه حسين حاچيني ---- زينب ويه اخوها حسين وتنشده حين الشافته ايودع گبر جده عازم عالرحيل وهالامر عنده تدري ابهل الضعن لوراح شيرده هم انعود -- خويه اردود -- گلي ياضوه عيني ---- يحسين وشفت خويه شكبر همك لمن ودعت يحسين گبر أمك كون اوياك امشي وكون اظل يمك ابروحي تسكن وگلب اختك ايظمك بس اهموم -- اشوف اليوم -- هالدنيه اشراويني ----- ظلت زينب أبين الالم والهم واعليها النهار امن القهر اظلم ابدمع العين ويه حسين تتكلم خطر دربك يخويه بهل الخطر اعلم عدنه اعيال -- خويه اطفال -- وانه من يباريني ---- سولفلي أبمسريك هذا وين انويت ياهيبة اهلنه وياعمود البيت تدري ابعّز يخويه أوياك آنه اربيت بيه شلون وحدي وبالغرب ظليت ابدمع العين -- اظل يحسين -- خويه لاتبچيني ---- بچت زينب تذكرت فاطمه امها حزن اچبير بيها وشكبر همها لن عباس اخوها يجي ايكلمها صبّرها ويوسلف من گعد يمها عد عيناچ -- اخوچ اوياچ -- أوفي الوعد تدريني ---- واعدها اخوها ابروحه يرعاها گمر هاشم الزينب يسر عيناها عليها ناشره ويرفرف الواها تتباها بخوها الگمر خلاها وعدها وگال -- اهز اجبال -- مثل حيدر تشوفيني ----- سيد عدنان الحمامي |
بسمه تعالى
سلام عليكم -- -- -- موشح -- -- وين عازم عالسفر يحسين وين -- روح ودعّ فاطمه بدمع وأنين -- روح لمك فاطمه قبل المسير -- وگلها هم اوداعچ ابگلبي چبير وأدري يمّه علم عنچ باليصير -- لاچن الله يمّ حسن هوه المعين -- بچت عين الكعبه لوداعك تهل -- شافتك يحسين رايد ترتحل تدري ماشي خطر دربك مو سهل -- شلون لو لرض الوطن عاد الحنين -- وين رايح تگطع ادروب السفر -- أشلون بيك الوكت لوخان وغدر ياحسين اهناك چن ارض القدر -- اي وحق ضلع امك وذاك الجنين -- تعتمر رايد وتظعن بالضعن -- مو خواتك لو مشن يتروعن ياحسين او بالدرب يتصدعن -- فوگ ظيم الوكت وأحزان السنين -- روح يم جدك ابدمعك ودعه -- ونتّك يحسين اگعد سمعّه وخبره ياجد للظلم مابايعه -- ولا أمد للذله ياجد الادين -- سولف الجدك محمد بالتريد -- خبره أرد اعلن جهادي ضد يزيد لو يكلفني يجد دم الوريد -- ودم أخوتي او تنذبح كل البنين -- سيد عدنان الحمامي |
بسمه تعالى
سلام عليكم اسئل الله لكم ولنا العافيه لمواصلة هذا المشوار النبيل في خدمة محمد وال محمد ص -- -- -- المستهل -- وين ابمسيرك يحسين -- من ودعت اوطانك -- يحسن وين ابسفرتك -- كل الحراير وياك ودعت المن ودعت -- ودموع تهمل عيناك هاي اظن للزهره رحت -- تودعها وبچيت اهناك اشگالتلك أبقه بالوطن -- شسولفت يحسين اوياك هيجت كسر الضلعين -- من ودعّت اوطانك -- يحسين لمك فاطمه -- هم سولفت وين اتريد گلتلها اعلن نهضتي -- لجل الشرع ضد ايزيد گلتلها للذله ابد -- يالزهره ما مدّ الايد لو كل اخوتي اتذبحت -- وآنه يگطعولي الجيد او بچيت للزهره العين -- من ودعت اوطانك -- والگبر جدك مارحت -- يولا يبو اليمه اتروح لابد تبين له الوضع -- وتخبره دينك مجروح وشرعك يسلطان البشر -- والعدل والحگ مذبوح ورايدني ياجد انتفض -- وقربان اقدمله الروح والنهضه من اجل الدين -- من ودعّت أوطانك -- يحسين وبمكه اشلون -- تعتمر وتطوف البيت آخر طواف أصبح الك -- وگبل اليحجها حجيت ماردت للدم ينسفك -- بيها المسيرك لبيت وظعنت باهلك واخوتك -- الساحة كفاحك ومشيت درب النصر تدري امنين -- من ودعت اوطانك -- درب الجهاد ابمسلكك -- تسلك طريق الثوار ونويت تگطع هالدرب -- لو ينفرش دربك نار اتخلد تريد اعظم درس -- وجامعه اتخّرج احرار يحسين ماناهض نهض -- مثلك ولاثاير ثار الساحة جهادك لاوين -- من ودعت اوطانك -- يحسين وبسوح الشرف -- قدمت دمك قربان وبگطع نحرك والدمه -- منهج محمد ينصان لو ماتجود بهل النفس -- وراسك يرتل القرآن لادين ظل ولاشرع -- وردوا يعبدون اوثان لاچن ابدم الطيبين -- من ودعت اوطانك -- سيد عدنان الحمامي |
بسمه تعالى
سلام عليكم -- طلعت أمن الوطن يحسين -- وين اتريد بظعونك ودع جدك وأمك -- يبني وخل يودعونك ---- الزهره من گبرها اتصيح -- وين اتريد يبني حسين مو هذا وطن جدك -- وبحظنه ربيت اسنين اديار اهلك عشت بيها -- تظعن بالحرم لاوين ومكه ليش عايفها بچت يبني مشارفها ولونشدت مضايفها عنك يبو اليمه شلون -- وحشه اديارها دونك ---- وحشه اديارها ظلت -- يبني حسين ماتنراد عازم عالمسير اليوم -- چنكم عني صرتوا ابعاد هيجت الالم يحسين -- وبضلعي الالم يزداد يبني وين منواكم وين الصوت ناداكم حرم واطفال وياكم ماشي والطريق ابعيد -- خاف اعداك يولونك ---- خاف اعداك يبني حسين -- گبل ماتوصل ايغدروك ونته اطفال هاي اوياك -- كلها ابعازتك يردوك الحراير ياهو يرعاها -- لوكل اخوتك عافوك يمن عايف وطن جدك باچر لوصرت وحدك ولاناصر يظل عندك ابزينب بعد من يهتم -- وعنها غمضت اعيونك ---- زينب من عگب عينك -- ياهو اللي يباريها ولو راح الاخو عباس -- يبني اعداك توليها عزيزة فاطمه امك -- زينب عينك اعليها يحسين الاخو هيبه اتفگده اكبر امصيبه منين الها اخو اتجيبه اختك تصبح ابياحال -- لوشافت يسلبونك ---- ارجع للوطن يحسين -- وخلها سالمه اعيالك الكوفه وحش منبتها -- ومنها الغدر يدنالك غدرت گبل بالكرار -- وبيها اليوم چتالك الكوفه صدگ مابيها الباطل سيطر اعليها ماهو ابعيد ماضيها نكثت عهد داحي الباب -- وخلافه يطلبونك ----- سيد عدنان الحمامي |
اللهم صل على محمد وعلى آله الطيبين الطاهرين
طيب الله انفاسكم وادام توفيقكم |
| الساعة الآن 11:10 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010