#استشهاد_الامام_العسكري

يارهين الغيبه والغيبه طويله
من دعاء الندبه بالجمعه العليله
نندعي ابحق الحسين المهدي يظهر
احنا غير احسين ماعدنا وسيله
//::::::::::::@@@@@@
يا امامي اشگد تعاني من هضيمه
من صغر سنك معاناتك عظيمه
گلبك اشگد آذته الگوم اللئيمه
يمته عدلك سيدي تحضر تجيمه

تمسح اعلى كل گلب همه تزيله
واحنا غير احسين ماعدنا وسيله
////:
اتجمعت آهات اوما نحسب سراها
ابصدرك المعراج اوگلبك ملتقاها
تبتدي بالباب ونجهل منتهاها
جم رزايا اللچمتك وانت دواها

مر عليها يا ابو الچف الجليله
احنا غير احسين ماعدنا وسيله
//::
ياعزيز الزهرا يوسفها اللي غايب
عظم الله اجرك ابفگد الحبايب
هذي سامره ارسمت خط للمصايب
امتداده امن المدينه ابثاره طالب

اشتبتديها وهيّه ثاراتك ثجيله
احنا غير احسين ماعدنا وسيله

////
العسكري الليله العوالم كلها تبچي
ابعينك اتشوف المناره اوگبه تشچي
نسمع ابسامره صوت المهجه تحچي
يبني يالمهدي عليمن لسه تتچي

اشحذ اسيوفك وكل دمهم تسيله
احنا غير احسين ماعدنا وسيله
////
انشلت ايده السمت الچبد الحسن
اتلايمت يالمهدي في گلبك محن
ما الوم اعيونك ابدم لو بچن
وما الومه گلبك الذايب شجن

ساعدك الله على الهم التشيله
احنا غير احسين ماعدنا وسيله
/////
من تغسل والدك ندري اشتشوف
تدمع اعيونك وتوصل للطفوف
تذكر اللي اتغسل ابطعن السيوف
ومن تصب الماي تتصور چفوف

نسمعك يم گبره واترابه تهيله
احنا غير احسين ماعدنا وسيله
-------------------
ثامر بوجبارة الاحسائي
02-03-1436هـ
25 -12-2014م