گعده.. زينب لليل أتگله.. خطار فجرك لتهله
 

زينب لليل اتكله خطارفجرك لتهله
تدري الصبح لو صار خيل ونار واخطار
.*************١*************
امظيفين الحين عندك ا يليل الظيفك اكرم
عادت اليكرم يجود وجودك يليل ابقة مظلم
دظل ياليل الموادع وخلي شمل الاهل ملتم
طول ياليل ولا تفل خليني برحاب الاهل
وشما تطول ما امل بس اخوتي كون تسلم
ياليل طول وخليهم عيني مسرورة بيهم
لتجور ويه الي جار خيل ونار وأخطار
*****٢************
تدري ياليل الفراك اليا جمع رايح تشتت
لون هل بدرك يليل اليا جبد تمرد تفتت
جم طفل ينكطع ظنة الخيل ليها لو تعنت
ياليل باجر حالتي نوحي وبجاي اعلة اخوتي
وحتار والله بغربتي والعدو بينه ايتشمت
ياليل اسكن لا تسري ياليل لتحير فكري
وانه عندك خطار خيل ونار وأخطار
****٣***********
خلهم ايظلون اخوتي خيمة ومجلجلة اعليه
اليلة ملتمين يمي وباجر ايكطعون بيه
شرد اصيرن وانه حرمة لو اجت الخيل ليه
شيردها الخيل التجي ظلام منهم شرتجي
كامت ابحسرة ترتجي أتكابد بهاي المسيه
ياليل خلها ويه اهلها ياليل لتشتت شملها
اعليها تهجم الدار خيل ونار وأخطار
***٤*********
رجعت العباس اخوهه زينب بونه شجية
خويه باجر حملي يثكل لو ثكل ياهو اليشيلة
لو بكيت بغير والي يبن ابوي وتشتكيلة
انتة يعباس الكلت خدرج اصونه اتكفلت
الامري يخويه اتوزمت بشيمتي وكتلي جفيلة
اليله انت اتبارينه باجر ياهو اليحمينه
من هالناس الاشرار خيل ونار وأخطار
******٥***********
ردت الصيوان اخوها حسين نيتها تنشده
اتباصرت ويه الحسين اتشوف شنوالراي عنده
خفت ونتها بكلبها تخاف كلب الاخو اتمرده
تكله يخويه هالحرم لو شبت اعليها الخيم
والكوم مابيهم رحم تهجم العدنه اتفرهده
وحسين كام ايوصيها احداث باجر يرويها
وبكلبه تلهب نار خيل ونار وأخطار
**٦*********
بده حسين ايوصي زينب خويه باجر كطع نحري
يختي والخيل ابحوافر تسحك اتكسره الصدري
وسهم المثلث يزينب ينفذ الخرزات ظهري
امن الكفه راسي ينكطع يازينب وليظل ظلع
وثوب العليه ينزع اعليه من الخيل تجري
وزينب طاحت وتشمه لحسين حظنته اتظمه
والدمع ظل مدرار خيل ونار وأخطار
المصيبة********
نادته اسم الله يخويه وطاحت اعليه وتشمة
عسن لاشفتك ابحيرة وريت هاي اعيوني تعمة
خويه بطفالك توصي كل طفل بالروح اظمة
يا تاج راسي ومنيتي
سالم تظل ياهيبتي
تخليني وحدي بغربتي
عسن سالم يبو اليمة يحفظك الباري اليه
.


شاعر اهل البيت السيد عدنان الحمامي