|
وفاة الحسن المجتبى -- يعباس الحسن نعشه رموه بسهام
--
يعباس الحسن نعشه رموه بسهام -- أبغمده اشلون سيفك ياوسافه اينام -- سيفك بالغمد ياوسفه نام شلون -- وتنظر للسهام اعله النعش يرمون هذا الحسن ياعباس هوه الكون -- وهوه الدين والقرآن والاسلام -- يعباس الحسن هوه عمود البيت -- عزيز أمه الزجيه وهاي بيها ادريت نعشه بالسهام انرمه شلون ارضيت -- وماهزك يبو فاضل بچي جسام -- بچه جسام شبله اعله الحسن عوده -- يعباس وعمامه كلها موجوده أكو الغير الشدد هالخوّه مريوده -- وتتحزم لخوها كلها فرد احزام -- منعوا دفنته يم جده مو معقول -- ريحانه اليّه الحسن چان ايگول اشلون ايصير ريت الدنيه هاي اتزول -- ولايتجاسرون اعله النعش ظلام -- صبرت اشلون ياعباس عاللي صار -- يالسيفك غضب ويصب حمم من نار دار المصطفى جد الحسن هالدار -- والبيها نزل جبريل والاحكام -- لو گاطع ارگاب اهل الحقد والزور -- وكل سهم انرمه تگطعله عشر انحور ياعباس عينك ماغفت عالجور -- ياجرح الصبر يالما بعد يلتام -- سيد عدنان الحمامي |
احسنت كثييييييييييييرا سيدنا الجليل قصيده جدا جدا جدا جدا جدا جدا جمييله وفي قمة الجمال حشرنا الله وياك مع محمد وآل محمد ص مع تحياتي ودعائي |
السلام على كريم اهل البيت
الامام الحسن المجتبى عطر الله انفاسك الحسنية سيدنا الجليل وادامك الله |
خادم خدام الزجيه خادمة الشفيع الف شكر للمرور الطيب ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
| الساعة الآن 04:03 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010