:: منتديات السيد عدنان الحمامي ::

:: منتديات السيد عدنان الحمامي :: (http://www.adnanalhamame.com/vb/index.php)
-   قسم الشعر الشعبي (http://www.adnanalhamame.com/vb/forumdisplay.php?f=13)
-   -   ياسراج الدين يافُلك النجاة (http://www.adnanalhamame.com/vb/showthread.php?t=3796)

السيد هادي الحمامي 02-04-2012 05:25 PM

ياسراج الدين يافُلك النجاة
 
[]يا
[center ياسراج الدين يافُلك النجاة
الحياة انته وكل معنى الحياة


************************



إنتــه علّمت البشر اعظم دروس
للمبادي اتْضَحّي وبأغلى النفوس
ماتداهن وغـد لو بيها يســـــوس
اتجرّد البتّار بوجوه الطغات
************1
رِسَم نحرك مجدك بدم النحر
لجل عز الديــن والعز البشر
والثمر جانيـه يحســـن الثمر
كعبه گبرك صار للناس الأباة
************2
يظل صوتك يهدر وما يسـتكين
اشما تمر اعوام وتمر السنين
يميد بعروش البغات الزائفين
يوج ثوره بالنفوس الطاهرات
************3
علّمت يحسين كل هذا الوجود
يرفض الإذلال ويكسـر القيود
وعلمتنـه الخلد ياســـِر الخلود
وعلمتنه مانهاب العاديات
************4
انـچان وادي كربله سجّل فخر
هذا منّك مـن سـگيته من النحر
ولون خان الدهر ويّاك وغدر
لاكن اسمك يظل عنوان الثبات
************5

انـچانـك ظامي گضـيت ويلتـهب
چبدك ونيران باحشــائك تشــــب
انـچانهم حرموك مـن ماي العذب
هذا دمع الشيعه الك اعذب فرات
************6

لو صــدگ ماعـــرفتك ذيـچ الزمر
صرت صرخه اليوم بعقول البشر
حيّرت يحســـــين ارباب الفِكَــــر
لمّن افديت العدل بأطهر ذوات
************7
حـــين بالطــف دمّك الطاهر نزف
وانذبـــح فــــوگ الثَرَه اطهر سلف
ارسمت ملحمة الفده وهيّه الشرف
انخطّت بذيـچ الدماء الزاكــــــيات
************8
لوبـچت سكانها الارض وسمه
عيونها مِنْ البـچـي تصاب بعمه
قط فلا تـــوفي إلك قطـرة دمه
وحتى لو ذابت جميع الكائنات
************9
ولو نصبنــه مأتمك طول الدهور
ننحـب ونلطم ونْجَــرْح الصــدور
شيطفي جمر احزانّه بذيـچ النحور
اشما ندبنــــه وشاطرتنه النادبات

************10
[/center]

سيد عدنان الحمامي 02-04-2012 09:04 PM

جميل ماكتبتم سيدنا الجليل

اسئله ان يتقبل
هذه الخدمه المباركه



خادم خدام الزجيه 02-04-2012 09:51 PM

احسنت كثييييييرا سيدنه وربي ينطيك كل خييير

جميييل ماكتبتم وربي ينطيك الصحه والعافيه

ننتظر كل ماهو جديد لديكم سيدنه الجليل

تحياتي ودعائي

محمد أبورغيف 02-22-2012 12:54 AM


اللهم صل ِ على محمد وال محمد
طيب الله انفاسك الولائية شاعرنا الكريم
السيد هادي الحمامي
على هذه الابيات الرائعة وفقكم الله لكل خير
اسئل الله لكم وافر الاجر ودوام خدمة الحسين عليه السلام
احسنتم واحسن الله اليكم
تقبل مروري


الساعة الآن 08:50 PM

Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY:
! ωαнαм ! © 2010

Security team