|
وفاة الحسن المجتبى ع -- هل دمعك -- عله ابن امك
المستهل -- -- هل دمعك -- عله ابن امك -- مسموم الحسن يحسين -- ناده الحسن خويه حسين -- جرحي بعد مايبره نار اتلاهبت بحشاي -- وبگلبي تشب جمره خويه السم مرد چبدي -- هذا اگبالك اتنظره لوّن جدي وابويه اهناه -- يمي وتحظر الزهره يواسوني -- يودعوني -- يغسلوني بدموع العين -- يحسين اگعد اگبالي -- خويه لو تجي يمي راسي بحظنك اتخليه -- يحسين ابمچان أمي آخر ساعه هاي اوياك -- عنك ارحل ابعلمي من أتديره عالقبله -- ابهيده لوردت جسمي عمري أنباد -- يبو السجاد -- اي خويه لخيك عين --- لاتبچي يخويه حسين -- وتطوي ضلعك اعليه امسح دمعك امن العين -- وهوّد روعك أشويه مو گلبي كسرته أشلون -- وازداد الالم بيّه ابچينه اهواي عالزهره -- اعله ابونه الراح فجريه بالمحراب -- من انصاب -- وآنه اوياك متيتمين -- عشنه ايتام خويه حسين -- امنه ازغار عافتنه هاي اسنين من العين -- تجري اعليها دمعتنه ومصيبة أبونه النوب -- مرّه الغصص جرعتنه وچفوف الغدر يحسين -- بالسم تالي جازتنه احس بالروح -- خويه اتروح -- منين السم اجاني امنين -- خويه الطشت من يمي -- عني رايد اتكتره خاف اختك تجي زينب -- چبدي امگطع اتنظره ماتحمل وهي ابياحال -- بعدها ابحزن عالزهره مكسورة گلب يحسين -- وكسر الگلب شيجبره صبّرها -- وأجبرها -- وگلها يختي لاتبچين -- ابها اللحظه اجت زينب -- نظرت للحسن ممدود راسه ابحظن أخيه حسين -- وينازع ابروحه ايجود صاحت خويه ابو محمد -- لفتنه النايبات اردود مثل امي وابويه اتروح -- لينه ابروحتك متعود حسين أوحيد -- يظل اتريد -- والعدوان متشمتين -- ريت السم مضه بيّه -- صاحت زينب او لابيك ولاشوفن دمعته حسين -- من عينه تهل اعليك يبن امي العضيد اعزيز -- أسمعه ابلهفته ايناديك خويه امودع الله روح -- عيني مابعد تلگيك الله اوياك -- ودعناك -- وأحنه بهاذي موعودين -- سيد عدنان الحمامي |
احسنت كثييييييييييييرا سيدنا الجليل قصيده جدا جدا جدا جدا جدا جدا جمييله وفي قمة الجمال حشرنا الله وياك مع محمد وآل محمد ص مع تحياتي ودعائي |
السلام على كريم اهل البيت
الامام الحسن المجتبى عطر الله انفاسك الحسنية سيدنا الجليل وادامك الله |
خادم خدام الزجيه خادمة الشفيع الف شكر للمرور الطيب ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
طهر الله عزوجل انفاسكم المباركة
أسأل الله عزوجل لكم الثواب العظيم والمن الكريم بحق الزهراء نسألكم الدعاء |
شجون الزهراء الف شكر للمرور الطيب ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
| الساعة الآن 03:04 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010