للاكبر للاكبر ع ---اخذروحي اوياك لتخليها --- موشح
اخذ روحي اوياك لتخليها لورحت شلي يالاكبر بيها ------------- ها يالاكبر لمك اتودع اجيت وين يبني ابروحتك گلي تويت هاي ساحة حرب ليها لومشيت خاف لمك ما تعاود ليها ------------- شلون يبني لورحت گلي اشيظل يا عزيز امك يسباح الامل هم تگول امي عفتها بالوجل لو رحت عنها القهر يسليها --------------- هم تگول امي تظل تهمل دمع لوغبت تطوي على اغيابي الضلع لا يالاكبر خاف لا بيك انفجع والبس اثياب الحزن تاليها --------------- يبني برباك اجرعت مر الصبر وجاهدت لجلك لياليها اشكثر ومولحت عيني سگيتك للكُبر وبا لموادع عيني لتطفيها ------------- لون عازم عالرحيل بهمتك وللحرب لابس ييمه لامتك امك ارحمها يالاكبر جابتك منته شمامتها وتشم بيها ------------ خل تشمك خل تضمك للصدر وبحظنها اتنيمك لا تعتذر اتذكرك امك بايام الزغر من چنت تغفه على ايديها ---------------- انچان يبني اتگول لاهاذه وعد ماشي عنچ يمه ما ارجع بعد روح الله اوياك وگليبي استعد للمناحه وعيني دم لجريها --------------- روح يبني وخلي بگليبي الجرح امل امك بيك تفرح ينذبح والنصيب شهالنصيب الي يشح اعليك و ايام الربه لنعيها ----------- انعي واعمي العين شلي بالضوه انته لرويحتي شمة هالهوه امنين اجيب الفرگتك يبني دوه وشوفتك يالاكبر التشفيها ------- سيد عدنان الحمامي اذكرونا بدعائكم يرحمكم الله |
طيب الله انفاسك مولاي
وفقك الله لهذه الخدمه المباركه جزاك الله الف خير تحياتي |
ابونا الغالي طيب الله انفاسك لهذه الخدمه الحسينية واجرك علي قاضي الحوائج
ابا عبدالله الحسين عليه السلام |
الساعة الآن 06:58 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010