|
الصادق شعنده جنايه --- وفاة الصادق ع
الصادق شعنده جنايه وگطعّ السم چبدته
الليله ثوب الحزن لبست عله امصابه شيعته -- ينشد الليله ابمراره بدمع سچاب المحب ليش وشعنده جنايه الصادق شعنده ذنب بين آلام أومراره وينحرم عيش العذب أنمدت أچفوف الخيانه تالي بالسم غدرته -- ناس لاذمه وضمير وعدها معدومه الذمم مارعوا حرمه المحمد عدها هالكرسي الاهم حاربوا بالسم عترته بين بالسيف انعدم هيه من يوم السقيفه حق محمد غصبته -- غصبت الحق من محمد يوم نكروا فاطمه حرگوا الباب ابحطبهم والصدر يجري دمه وضيعوا اتعاب الصميده ونعزل حامي الحمه والنبي امنصبه عليهم هالامر هم نكرته -- نكروا العتره او فضلهم مارعوا بيهم احد والكتاب اموصي بيهم والنبي اموصي بعد رحمه همُه للبريه وحگ من هوه انعبد شكثر چم آيه فضلهم بالكتاب الذكرته -- هُمه الاقمار المنيره والنجوم الساطعه هل اتى وبنبأ عمه أنذكروا او بالواقعه العلم كله وسر نبينه الهادي عدهم ودعه وبني العباس الشملهم بالوسيعه اتشتته -- بين من سم اليسمه بسيف بيهم ينذبح اچبود من واحد الواحد بالخيانه ينجرح بني العباس و أميه شوهوا الدين السمح ياچبد من الايمه بالحقد ماسمته -- نعلن الليله حزنه انعزي بيه سيد المله نبچي عالصادق نودعه والعزه ننصب اله جددت بينه المصيبه كل مصايب كربله يوم من ظل الحسين وراس ماكو بجثته -- سيد عدنان الحمامي |
أحسنتم كثيرا سيدنا الغالي .. قصيدة اكثر من راائعة ...
|
الله يامبدع عاشت الايادي
تحياتي لك شاعرنا القدير |
اللهم صل على محمد وعلى آله الطيبين الطاهرين
سيدنا الجليل احسنت كثيرا اسئل الله لكم التوفيق وحسن العاقبة |
بسم الله الرحمن الرحيم الَلهّمّ صَلّ عَلَىَ محمدوآل مُحَّمدْ الَطَيبيِن الطَاهرين الأشْرَافْ وَعجَّل فَرَجَهُم ياكريم. السلام عليك يامولاي ياجعفر ابن محمد الصادق ورحمة الله وبركاته عظم الله اجورنا واجوركم بهذا المصاب لعن الله ظالميكم مولاي وضاعف عليهم العذاب الاليم من الان الى قيام يوم الدين أحسنتم واجدتم رثاء امامنا وامامكم صلوات الله عليه ، جعلها الله لكم ذخراً في يوم لا ينفع مال ولا بنون.واجركم عند الامام الصادق ان شاء الله محفوظ. ونسأل الله تعالى ان يثبتكم وايانا على دينه تحت لواء حفيد الامام الصادق الامام بقية الله الاعظم الحجة (عجل ) وسلام الله وصلاته عليهم اجمعين . |
| الساعة الآن 10:44 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010