ياصوره ياصوره - لشهادة الامام السجاد عليه السلام
السلام عليكم ورحمة الله وبركاته وعظم الله اجوركم وتقبل الله اعمالكم قصيدة للسيد عدنان الحمامي لشهادة الامام السجاد عليه السلام ( ياصوره ياصوره ) تقبلوا مودتي [http://www.youtube.com/watch?v=EyW25NiDfQ4] ياصوره ياصوره -- بعيوني ياصوره آنه عليل وشاهدت -- بعيوني ياصوره -- ياصوره بعيوني شفت وانساها -- روس اخوتي اعله ارماح وآنه اوياها لو عمتي وتشاگف بسوط اعداها -- وآنه اعاين هالعدو اتولاها شتموها شتموها -- بت علي شتموها هل النايبه اعليها اصبرت -- بعيوني ياصوره -- شفت المصايب والالم برض الدم -- شفت العدو بخيله علينه اتقدم شفت الرضيع امن الذبح مايسلم -- السان المآسي بهل الحزن يتكلم عن حالي عن حالي -- يرويها عن حالي چم عثره بالحومه اعثرت -- بعيوني ياصوره -- اتعثر ابين الجثث بين الخيل -- متناثره اجساد او دمه انحور اتسيل خان الصبر بيّه انهدم مني الحيل -- وليل المآسي خيم اعلينه الليل مرعوبه مرعوبه -- چم طفله مرعوبه ضاعن اعليهن دورّت -- بعيوني ياصوره -- طفله تفر امن الخيم مستعره -- وبذياله نار المصيبه اموجره راحت لبوها حسين شبگت نحره -- راسك تگله وينه يبن الزهره بچتني بچتني -- هالطفله بچتني اتسولف اويه الجثه انظرت -- بعيوني ياصوره -- انظر ابعين الفاجعه واتحسّر -- لو صخر چان امن المآسي اتفطر لمن شفت جاسم اويمه الاكبر -- وعمي ابو فاضل ابدمه امعفر چفينه چفينه -- من شفت چفينه ساعتها عالموت اشرفت -- بعيوني ياصوره -- للكوفه أخذونه يساره ابياحال -- كل الارامل بالحزن والاطفال ايباري ضعنه هوه نفس الچتال -- بحبال چتفوها اليتامه بحبال قيدوها قيدوها -- بالحبل قيدوها عماتي واعليهن خفت -- بعيوني ياصوره -- سيد عدنان الحمامي |
|
ابو مصطفى الغالي موفق ان شاء الله ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
ابو مصطفى الغالي
موفق ان شاء الله ربي ايبارك في جهودكم احسنتم كثيرا عظم الله اجوركم واجورنا بمصاب ابي عبد الله الحسين ع |
الساعة الآن 06:41 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010