بويه روح الزجيه لااستشهاد الرسول الاعظم ص
 

بويه روح الزجيه ..اشكثر شفت الاذيه
خليتك بعيني تباريني وتحميني عشت ملوعه
يابويه دلالي يالغالي واوصالي كلها مكطعه
&&&

انه احجيلك يبويه واسمع الحين
عكب ذاك العمر كله وذيج السنين
اصبحت مهمومه يبويه وبس الونين
عليه من دارت يكلي نطلبج بدين
كسرو الباب اعل ظلعي وتهمل العين
وانه بس اصرخ وانادي وين ابو حسين
من سمعته كلامه..اعرفتها العلامه
ظل يلهج الساني العاداني واذاني وينك يالفحل
وشسوه بالزهره بالحره ويكسره ظلعج يالامل
بويه هاي الوصيه..بويه روح الزجيه
&&&
شكثر شفنه يبويه من هايه الارجاس
وحدي خلوني بهمومي وتحجي الناس
غيره لا عدهم حميه وذره نوماس
بداري بويه ام الحزن البيه الانفاس
تحملت كل الجرالي وكلت لاباس
الله يشوف ويعاين من ارفع الراس
لو شفت انته الهظيمه..بعيني يابويه الرحيمه
ربك ذكر ايه بالولايه ومسمايه بااهل المصطفى
عنها البشر يسئل المايندل واليندل احنه انعرفه
بويه ماحنو عليه.. بويه روح الزجيه
&&&
ارد اسمعك بويه بالجاري علينه
ساعة اوداعك يبويه اتألمينه
منهم اصحاب السقيفه اتعذبينه
بويه من انته ارحلت احنه ابتلينه
ساومنه انبيع دينك وماارتضينه
وقيدو بعدك يبويه هم ولينه
مارضت حتى سماها..بكيده يتكيد حماها
بويه ضربوني وشتموني واذوني من كيدو حيدره
يابويه واحجيها اعنيها واورثيها علينه شما جره
ظلت ليوم المنيه.. بويه روح الزجيه
&&&
بويه عكب عينك حيل مهمومه وعليله
الدنيه بغيابك يبويه احس بيها ثجيله
يعينه الله كلمن أمفارك بيها خليله
صارت الرحله يبويه بس طويله
وحدي ظليت وانادي من تمر ليله
وحشه وادموعي بعيني مو قليله
ونتي يابويه اجرها..ودمعي يطفي جمرها
منهو اللي بجوني رادوني وشافوني كون محيره
وادموعي اسليها احاجيها وابجيها عيوني مغرغره
صحت حماي الحميه.. بويه روح الزجيه
&&&
بويه تدريني بغيابك بالحزن اكظيه عمري
اصبحت مهمومه بعدك وشكبره صبري
لن شفت ظيم السقيفه عليه يجري
اكتمت بويه الجرالي وبالكلب يستعر جمري
شنهو يابويه النفعله وانته باليجره تدري
سلمت للباري روحي واعرفت لن هذا قدري
واستمع ونتي العظيمه..انه للشيعه رحيمه
يانور البروحي..بجروحي وانوحي اكظيه العمر
اسمك يظل عالي يالغالي ودلالي لن بيه الجمر
شفت انواع البليه.. بويه روح الزجيه
&&&
انه ام اوالده صعبه من فكدت ابوها
قدمت قطعة كبدها شلون عنها يسئلوها
سممو جبدت ابوها وشكثر همه ولوها
مات مسموم بحقدهم وهيه همه سمموها
صبرت الحره الزجيه وشكثر بعده ولوها
حتى عن البجي هيه جان ضنهم يحرموها
صوتها اينادي الظلميه..روحي يابويه سقيمه
مااعرف شجاري بخباري وبداري كسروه الرجس
وعيوني اربيه بلا جيه واديه وبنفسي ما احس
انته تسئل عليه..بويه روح الزجيه
&&&

خادم اهل البيت
ابو علي السعيدي