|
بلجي ايعود -- زماني اردود
--
المستهل -- بلچي ايعود -- زماني اردود -- يحسين وعدل شفتك ---- يحسين الاخو يحسين -- هيبه للاخت هيبه او لوراح الاخو منها -- أمنين الها اخو اتجيبه ونته ياعزيز اختك -- فگدك لاختك امصيبه چم رمية سهم يحسين -- الگلبي ابرميته ايصيبه نزيف اجروح -- حزن بالروح -- شظل بيها بعد اختك ---- خويه چنت رفعة راس -- والبيتي چنت شمعه ماترضه تشوف اختك -- تبچي لوتهل دمعه واليوم اربعينك جيت -- صوت الفاجعه سمعه دربي امن اليسر ماشوف -- چم اعزيز المضيعه أدّور اعليك -- وين الگيك -- اهنا لمن رحت عفتك ---- عفتك يمن للهادي -- ريحانه چنتله وروح خويه امغسل ابدمك -- ونته امن الگفه مذبوح عبد لله اعله صدرك چان -- نايم واليسرنه انروح وصارن اربعين انهار -- واختك بالحزن والنوح الك رديت -- يسور البيت -- گوم الزينب ابهمتك --- گوم الزينب انظرها -- وعن حالتها تنشدها رجعت باليتامه ليك - لو يحسين وحّدها گللها رقيه أوياچ -- اجتي اتزور والده ظلت ليش برض الشام -- لبوها ماتجي اشعدها ينور العين -- خويه حسين -- بالشام ادفنت بنتك --- يحسين اليتامه اوياي -- اجينه والمسير ابعيد توصل رادت ابلهفه -- الولياها اليتامه اتريد هاي اتصيح ابويه وين -- هاي العافت الها اوليد اصّبر چم يتيم اينوح -- يخويه والصبر شيفيد لا لتلوم -- يخويه گوم -- بأمي الزهره حلفتك --- أگعد خويه حاچيني -- وبعينك تشوف الحال أمانه أمنت عندي -- يخويه وألامانه اعيال كلها ابظيم يبن امي -- ردت والدمع همال من يوم المشت عنك -- عنها هالحزن مامال اشوفك وين -- چان الحين -- أعيالك خويه سلمتك -- سيد عدنان الحمامي |
احسنت يامبدع كلمات رائعة
وفقك الله وجعلك ذخراً لنا سيدنا الغالي .. تقبّل مروري |
زاهر المعموري
الف شكر للمرور الطيب احسن الله اليكم ربي ايبارك في جهودكم http://www.wlidk.net/upfiles/bqx09646.gif http://www.adnanalhamame.com/vb/data...aQMJKXZJ0//9k= |
http://img.el-wlid.com/imgcache/2013/12/752267.gif طرح مكتمل بجميع جوانبه جعل اقلامنا تقف عاجزة عن الاضافة بارك الله فيك على هذا الموضوع المفيد والنافع كل الشكر والتقدير http://img.el-wlid.com/imgcache/2013/12/752267.gif |
ام حسين
الف شكر للمرور الطيب وربي ايبارك في جهودكم ان شاء الله تعالى http://www.wlidk.net/upfiles/bqx09646.gif http://www.adnanalhamame.com/vb/data...aQMJKXZJ0//9k= |
| الساعة الآن 06:56 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010