|
يشيعه لو شربتو الماي اذكروني -- تجليبه
يشيعه لو شربتوا الماي اذكروني انه ابليه ذنب عطشان ذبحوني ------------------ يشيعه حسين انه والنبي جدي يشيعه وانه جبرائيل هز مهدي صوبوني بسهم بيه ينكطع جبدي طلبت الماي ضامي اعداي خلوني ------------------------- خلوني ابعطش والدم بده يجري من سهم المثلث طلع من ضهري وانه اعله المهر لن طحت من مهري بسيوف ورماح العده اتولوني ------------------- اتولوني ولني بالحجر مرمي طاح ابجبهتي واعله الوجه دمي اتمنيت ابو فاضل كون لو يمي جا يمسح الدم الجره اعله اعيوني -------------------- عله اعيوني الدمه بيهن بعد ماشوف ناس ابحجر ناس ارماح ناس اسيوف ولا واحد الخاطر جدي رد معروف وريحانة الهادي الي ايعرفوني ------------------- يعرفوني انه ابن النبي المختار والتموا عليه امنين ما اندار اخوتي امذبحه ومذبحه الانصار وانه انزف دمه اعله الترب شافوني --------------------------- شافوني بعد لاحيل ضل بيه وجتالي اعله صدري يسحك اعليه وحز راسي يكطعه وجثتي مرميه ابحر الشمس ذاك الضهر عافوني ------------------ عافوني جسد والدمه من نحري عله التربان ياشيعه الدمه يجري وعشر اخيول اجتي وكسرت صدري بحوافر خيلهم وبقسوه سحكوني ============ |
طيب الله انفاسك مولاي
وفقك الله لهذه الخدمه المباركه جزاك الله الف خير تحياتي |
استاذ عدنان
طيب الله انفاسك تجليبه رائعه محبتي واحترامي لشخصك الكريم |
ابونا الغالي طيب الله انفاسك لهذه الخدمه الحسينية واجرك علي قاضي الحوائج
ابا عبدالله الحسين عليه السلام |
جزاك الله خيرا سيدنا العزيز ونسأل الله لك التوفيق
|
الله الله الله الله الله الله الله الله
الله الله الله الله الله الله الله الله الله الله الله الله الله الله الله الله ابداع سيدنه الجليل سلمت يمناك قصيده جمييله وهيه في غاية الرووعه فيها صور جميله من واقعة الطف الأليمه والمفجه اسئل الله لك دوام التوفيق والسداد في هذه الخدمه المباركه وسئل الله ان يمدد بعمرك اللهم آآآآآمين تحياتي ودعائي لجنابك الغالي علينه |
بسم الله الرحمن الرحيم اللهم صلي على محمدوآل ِ محمدوعجل فرجهم وأرحمنا بهم السلام على الحسين وعلى علي ابن الحسن وعلى اولاد الحسين وعلى اصحاب الحسين الذين بذلوا مهجهم دون الحسين صلوات الله عليه الشاعر القدير السيد عدنان الحمامي طيب الله أنفاسكَم سيدنا بوركت الأنامل التي خطت لنا هذه الكلمات الناعية لامامنا سيد الشهداء عليه السلام والصفوة الطاهرة من عترته وأل بيته واصحابه الميامين قصيدة رائعةتألق فيها قلمكَ الرائع برسم مشاعر الحزن والألم لتلكَ الفاجعة .جزاكَ الله خيراً تقبل جزيل الشكروالأمتنان على هذه القصيدة اسئل الله لك التوفيق ودوام الابداع تقبل تحياتي ولك مني كل تقدير واحترام خادمك محمد ابورغيف |
احسنت سيدنا الجليل سلمت اناملك الرقيقة وطابت انفاسك الولائية قصيدة رائعة لسيد الشهداء جعلها الله في ميزان اعمالك
|
اسئل الله لك دوام التوفيق والسداد في هذه الخدمه المباركه
|
اللهم صل على محمد وال محمد
|
| الساعة الآن 03:57 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010