مبروك ياامة نبينه
مبــــروك ياأمّة نبيـــــــنه <><>مبروك هالفرحه علينه هالليله حلوه امنوّره <><> نبعث تهاني الحيدره مبروك هالفرحه علينه ************************** ابيوم الولاده إتزيِّنت <><> كل السماوات والأنس والجن ردّدت <><> أحله إبتهالات أرض وسمانه نوِّرت <><> باجمل شعارات ابهالفرحه كلها جدِّدت <><> طيب الموالات شمع الفرح يضوي بدينه <><>وهالليله نمشي للمدينه ونهنّي طه اوفاطمه <><> بالحسن راعي الغانمه مبروك هالفرحه علينه ********************* أول سبط من عترته <><> العتره الرشيده نور النبوّه ابغرّته <><> شبل الصميده إشـگـال الرسول الأمّته <><> إبشبّر أوليده سيد شباب الجنّته <><> والجنّه بيده انوار الولاده نوّرينه <><>وبفرحته كلنه إعتلينه يحباب يلّه هلّلي <><>وصوت الأفراح اليعتلي مبروك هالفرحه علينه ********************* الحسن من علم النبي <><> ابمهده تروّه إتغذّه المجد ويّه الكرم <><> اتغذه المروّه بولادته صوت العرش <><> بالفرحه دوّه هوه الإبه ورمز الفخر <><> والغيره هوّه وبرايته كلنه احتمينه <><>من بعد حيدر ياولينه هالحفل محله منظره <><> ونصيح كلنه ابمفخره مبروك هالفرحه علينه ********************* نور الإله إبغرّتك <><> ضوّه الوسيعه شبل ألأكارم طلعتك <><> لجل الشريعه حكمة الباري اختارتك <><> عين الطليعه ولكل موالي اولادتك <><> صارت شفيعه ابحبك وخيره احنه ارتمينه <><>يالمانضب ﭼفّك معينه ﭼفّك يبن حامي الحمه <><> يروي النفوس من الضمه مبروك هالفرحه علينه ********************* نهدي التهاني ابهالفرح <><> البيت الميامين للمصطفى وللمرتضى <><> وبضعة الطيبين وهالفرحه نهدي المنتظر <><> وي دمعة العين ابهوسات نمشي الكربله <><> ونهنّي الحسين وبحضرته كلنه ارتمينه <><>وگلوبنه انعلـگها زينه أنصار إحنه للأبد <><> اويه حسين نبقه اعله العهد مبروك هالفرحه علينه ********************* |
سيدنا الجليل احسنتم كثيرانظم جميل ربي ايبارك بجنابكم ان شاء الله لكم دعائي |
قصيدة رائعه لمولد شبل النبي المختار
عطر الله انفاسك سيدنا وكل عام وانتم بخير |
جزيتم خيرا وبارك الله فيكم
جزاكم الله الجنه |
أحسنتم طيب الله انفاسكم شاعرنا المبدع
السيد الحمامي على هذه الابيات الرائعة كتبها الله لكم في سجل الحسنات تقبل مروري ولكم مني اعبق التحايا |
الساعة الآن 11:44 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010