ياجعفر الطيار.. يامعدن الاخيار..ياساس العقيده؟الى مولاي الامام جعفر الطيار ع اقول
 

ياجعفر الطيار.. يامعدن الاخيار..ياساس العقيده
ربك هوه انطاك..فوك النجم علاك.. انطاك التريده
هوه انطاك جفين..تنصر بيهن الدين
تنصر انته الاحرار


يالبيك الشجاعه ورث هالبيت..ضحيت بحياتك يوم ناديت
صحت بصوت الهم يوم هبيت..حاربت الرذيله وانت انطيت
روحك للمنيه..ولسيد البريه..هاي بيه اسرار

طاعنت العده وماهبت احد..انت بالعزيمه وكرم تنعد
صرت طود وعليهم السد.. تحملت شجره عليكم وبالرد
نذر لله ونبيه..انطيت انت الهديه..ماهمه الجره وصار

شجاعة حيدر وعلم النبين..حلمه جعفر بسوح الميادين
وطاعن بالكفر حارب الطاغين..وعاهدهم عهد خطه بزندين
عافاهه الدنيه..واختار العليه..جنه عنب واشجار

هدية الباري مكتوب شعليهه..الى عبدي المطيع انه هديهه
جناح ايطير مثل الملك بيهه.. وعل كل الخلك ينظر عليهه
وتعايله البريه,,تحسده عالعطيه..جناح البيه لو طار

حكمه من الاله ومثل للناس..جعفر من بده وانتهت بالعباس
جفوف الطاحت اجفوف نوماس..تبقى تنذكر وتنرفع عالراس
اجفوف الابيه..برايه جعفريه..يرفعه اليجي لحسينهم زار

خلد هالزمن اجفوف وسيوف..حملته الزنود وماكو كل خوف
تامر بالفظيله وزود معروف..كل عام وعلينه احنه انطوف
زيارتنه بشجيه..لاابو اجفوف السخيه..واحنه الالهم انصار

خادم اهل البيت
ابو علي السعيدي

الغالي والرائع
الشاعر الحسيني الكبير
السيد عدنان الحمامي المحترم
مروركم اسعدني وكلمات الاطراء الجميل
وفقكم الله لكل خير
تحيات
اخوكم
ابو علي السعيدي