|
الى مولاتي الحوراء ع اقول (299) مجبوره يحسين امشي يالولي
الى مولاتي الحوراء ع اقول
(299) مجبوره يحسين امشي يالولي ماامشي اوياك..هذا اللي بجاك ماامشي وياك ********** مجبور امشي عالهزل من ديره خويه لديره واساني بس خويه الدمع يوم اللفتني الحيره مكتوب وبلوح القدر انخطت عليه السيره للشام خويه اسري والامر هذا يجري بالنوح اخلص عمري من بعد ماجنت اميره كل عمري اتناك خويه يالولي..ماامشي ا وياك ************** اهوال راوني الزمن مارحم خويه بحالي الهم ولاني والشمر والنوب هم عيالي حرمه وحيده وبالاسر منهو الذي يبرالي عباس خويه كافلي منهو اليحدي بمحملي ياخويه من راح الولي من شفت يمناك.. خويه يالولي..ماامشي وياك ************* رديت خويه لوحدي من الشام نور عيوني واطفال وياي ونسه والسوط دمه امتوني ياخوي جينه لكربله خل اخوتي ينطروني ينطروني يم المشرعه يم الجفوفه مكطعه اليوم جينه نوادعه اذكرت يوم اصباك خويه يالولي..ماامشي وياك *********** اكعدت يم جرف النهر وعاينت مايه الحزنان دمعاتي نزلت عالوجن اذكرت خويه شجان منعونه من مايه العده وكطعو جفوف السفان اجفوفه ليش مبتره عباس سبع الكنطره يايومه الصار وجره طاحته جربته هناك..خويه يالولي..ماامشي وياك ************ لحسين يوم اللي رحت واكعد يمه وناديت برحيلك انت يالاخو ادريت بيه اشسويت كطعت جبدي ومهجتي والعين منهه كفيت اعيوني مابيه دمع والكلب هايم منصدع لوشفت ياخويه الوضع حالي العده ماسراك..خويه يالولي..ماامشي وياك **************** خادم اهل البيت ابو علي السعيدي |
القبول ان شاء الله تسلم ابو علي السعيدي ربي ايبارك في جهودكم احسنتم كثيرا http://www.wlidk.net/upfiles/bqx09646.gif http://www.adnanalhamame.com/vb/data...aQMJKXZJ0//9k= |
| الساعة الآن 05:00 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010