|
عراق حسين عالراس -- وحق زينب وعباس -- للوطن
ولائيه للوطن
المستهل ........ عراق حسين عالراس --- وحگ زينب وعباس نحفظه وكلنه حراس .............. عراق حسين مهيوب بجلاله باهل البيت محموده خصاله ماينوصف لا ولله جماله يخسر كلمن بحقده دناله هذا الوطن مهيوب --- ابحبه ذابت گلوب غالي وماله مقياس --- وحگ زينب وعباس .......................... عراقك لاتعوفه واسمع بهاي عراق النه الهوه النشتمه والماي لتبيع الوطن صير اله شراي عيشه ابلا وطن ماتنحسب هاي عراق المهدي ابو الثار --- الظهوره بي اله دار ويصفيها للارجاس --- وحگ زينب وعباس ................. هذا الوطن بيه كربله الجنه الها بكل گلب شوگ ومحنه نزور حسين نطلب نذر منه لاميخيب كل معوز تعنه يحصل امراده لو راح --- وهم العسر ينزاح يجينه رافع الراس --- وحگ زينب وعباس ....................... وطن حيدر علي الوادم تعرفه حلال المشاكل من نوصفه والرايد طبيب ومنه وصفه يگصد يم علي يداويه ابلطفه يجلي همه اليروح --- ميظل حمل مطروح روح انشدها للناس --- وحك زينب وعباس ........................... معروفه النجف قدسيه بيها وسامره عرش الله عليها وهاي الكاظميه من تجيها تحصل امراد ويه اليعتنيها الگصد يم الجوادين --- يوفي اشما عليه دين عدنه هذا الاحساس --- وحگ زينب وعباس ..................... بعد لو رايد الكربله وتزور من يم ابو فاضل شاهد النور وحگ مكه ومنى وزمزمها والطور اخو زينب كفوا ويوفي النذور هديه انطاها اللچفوف --- منه اطلب وشوف اخو زينب الفراس --- وحگ زينب وعباس _........................... عراق الانبياء وكل رسلها اجاويد العشاير هاي اهلها طهوره اجبالها وعفة سهلها لاتترك الشامت يشمت الها نوح وآدم اهنا --- هود وصالح اوياه عراقك هذا نبراس --- وحگ زينب وعباس --- سيد عدنان الحمامي .......... .......... |
بسم الله الرحمن الرحيم اللهم صلى على محمد وال محمد وعجل فرجهم يا كريم حفظ الله اوطانكم وحماكم ووفقكم الله للخير بحق محمد وآل محمد الطيبين الطاهرين |
شجون الزهراء ربي يزيد بتوفيقكم لخدمة محمد وال محمد ص والشكر لمروركم الكريم دعائي لكم بالسداد والتوفيق |
| الساعة الآن 11:11 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010