|
يهلال الحزن يهلال ----- هلاليه
يهلال الحزن يهلال ----- هلاليه بسمه تعالى سلام عليكم ----- -- المستهل -- يهلال الحزن يهلال -- بيك انگطعت الآمال هم رديت -- لاهليت --- يهلال الحزن والفاجعه والدم -- بدرك من عسن هذا البدر لاتم چم دار الذي بطف كربله اتهدم -- مو حتى الرضيع امن اهلي مايسلم چم جسم الذي اتبضع -- وذبحوا چم طفل يرضع وتمنيت --- لاهليت -- يهلال ابطلعتك لاتحيرني -- وتفجّر الدمع لمن تذكّرني اشلون انسه الشمر بالسوط ينهرني -- واطفال العطاشه اللي تمرمرني وخيامي الخذتها النار -- لاخيمة ستر لا دار ماظل بيت -- لاهليت -- يهلال الصور لساعه بعيوني -- الأشد يوم الذي مسبيه مشوني ويم حسين اظلن مايخلوني -- بچوني اشكثر يهلال بچوني اعاين لخوتي صرعه -- وچفين الذي امگطعه عليها ابچيت -- لاهليت -- يهلال ومصابي مايحمله أحد -- على تل الصبر والفاجعه اصعد واشوف حسين من أثيابه يتجرد -- صحت وين أخوتي محّد سمع محّد صحت عباس مايسمع -- لعضيده ردت يفزع يجي ظنيت -- لاهليت -- يهلال وشفت يم النهر شوفه -- أخويه اللي كفلني امگطعه اچفوفه اظل يمه گلت للغالي ماعوفه -- ومن يمه خذوني اميسره للكوفه جوده ورايته يمه -- وعلى وجهه نزف دمه اله حنيت -- لاهليت -- حنيت اذكرت كل المصاب الصار -- أمذبحه أخوتي ومذبّحه الانصار والخيل الاجتنه بنارها الاشرار -- وبذيال العليل اتلاهب هالنار خفت اعليه وأباريله -- عليل وگمت اتچيله ماني انسيت -- لاهليت -- يهلال الطفل عبد الله بيد حسين -- مذبوح وعليه تهمل دمعها العين وعلي الاكبر لو جسام مذبوحين -- ما انسه مصابي اشما تمّر اسنين اظل انصب عزه اعليهم -- يبچوني وابچيهم حزينه اصفيت -- لاهليت -- سيد عدنان الحمامي |
بسمه تعالى سلام عليكم ----- --- يهلال المآسي والحزن والهم -- بدرك لاطلع ريت البدر لاتم ---- من دنياك ريت اتغيب للتالي -- يالبيك العزيز افگته والغالي زينب آنه زينب وشجره بحالي -- أرماد الخيم شفته ابكربله والدم ---- يهلال الحزن من ريت لاشفناك -- جبت النه النوايب لاهله ابطرواك يهلال شتظن يهلال هم انساك -- بيك اليرتضع يهلال مايسلم ---- يهلال شكثر چم بدر بيك الغاب -- چم طفله وطفل چم اخو راح وشاب شيفيد الدمع لوله الدمع ينساب -- وأعليه النهار امن الحزن اظلم ---- اظلم كل نهار اللي يمر بيه -- لحسين امن اذكره وجثته مرميه ومن طاح العلم وچفوف راعيه -- صبري ابطيحته يهلال يتهدم --- انهدم صبري اعله اخوتي الراحوا امن ايدي -- بيهم هيبتي وهُمه فرح عيدي ورمله من شفتها اتصيح يوليدي -- بعرسك ردت افرح هالفرح ماتم ---- ماتم ريت گبل الطف خلص عمري -- ولاصوت اسمعت خويه انكسر ظهري وحده حسين ظل يهلال خو تدري -- على العباس اخويه شلون يتالم --- يتألم اخويه حسين لعضيده -- حامل رايته من راح من ايده والاصعب وأشد ابطيحة أوليده -- عالتربان جسم الاكبر اتخذم --- سيد عدنان الحمامي |
آل هاشم هذا شهر احزانها -- هلاليه بسمه تعالى
سلام عليكم -- -- -- آل هاشم هذا شهر احزانها بالسواد اتوشحت عدنانها -- آل هاشم بالحزن هذا الشهر گطعوا الهم بالطفوف اشرف نحر وعالفرات اجفوف ظلت للگمر والها روس الفارگت ابدانها -- هذا شهر البيه هادينه انفجع عالرماح الروس چم راس انرفع شهر ريحانة الزهره بيه وگع وكسرت اضلوع الصدر فرسانها -- هذا شهر البيه الاكبر ينصرع وطفوا عمر القاسم وذاب الشمع ابهل الشهر بيه گلب زينب ينفجع ابنار اجتها للخيم عدوانها -- هذا شهر الينذبح بيه الطفل حرمله ايصوبه ابسهمه هالنذل اسبعطعش نشمي ولا واحد عدل جثث ظلت نايمه ابميدانها -- هذا شهر البيه سبوا آل النبي كل حراير بني هاشم تنسبي عدو ظالم مايصح بيهم أبي ناس ماخافت ابد رحمانها -- هذا شهر حسين بيه من ينذبح جسمه ماينحصي بيه أشچم جرح راسه ويه ايتامه يندار ابرمح وأسره راحت عيلته الكوفانها -- سيد عدنان الحمامي |
بسمه تعالى
سلام عليكم ---- المستهل --- هلال الحزن لوهليت -- نايحه اتخلي ابكل بيت دم نحور -- ياعاشور ---- هلال المآسي والحزن -- چم نايبه اتراويني اتذكرني بنحور اخوتي -- تنزف اشوف بعيني ماسلم بيك اليرتضع -- يهلال لتبچيني ابچيت شكثر من الالم -- ياصوره اللتنسيني ياصوره ظلت بالعين انگطعن لخويه الچفين وخوف وجور -- ياعاشور ------ يهلال ريتك لاتهل -- لتطلع ولاشفناك يعصرنه يهلال الهظم -- من يمر بينه طرواك اعيون اليتامه اتهل دمع -- يهلال لا ماتنساك واطفال اخوتي اتسحگت -- بالطف تشاهد عيناك عبد لله لمن ذبحوه من دم وريده ايشربوه مو معذور -- ياعاشور ----- اتذكرنه يهلال ابصور -- ضيعت كل الاحلام تذكار ظل ثوب العرس -- عدنه اويه شمعت جسام رمله اعله ابنها ماغمض -- لحظه جفنها ولانام يهلال ظلت تنتحب -- حرموها منه الظلام ام وظناها مذبوح بالحزن ظلت والنوح ااتوجّ ابخور -- ياعاشور ---- يهلال والاصعب واشد -- اعلينه فگدنه الوليان الاكبر شبيه المصطفى -- خده انوضع عالتربان وحسين اخويه ابمصرعه -- وعالنهر هيبة عدنان ومابين خيل اللي اجت -- نتراكض امن النيران يهلال شتشوف العين ابلا راس عالغبره حسين ابصدره اكسور -- ياعاشور ----- خل يكبر بروحي الحزن -- وخلي الصبر بيه ايخون يهلال علمني الصبر -- گلي الصبر شكله اشلون كل اخوتي خلصوا ذبح -- وفگد الاخو لاميهون لنصب مآتم للحزن -- والله لبچيه للكون مايرجع المني راح روس اخوتي فوگ ارماح اگبالي اتدور -- ياعاشور ----- سيد عدنان الحمامي |
اللهم صل على محمد وعلى آله الطيبين الطاهرين
طيب الله انفاسكم وادام توفيقكم |
الله يعطيك الف عافيه مولاناااا
وطيب الله انفاسك واجرك علي اهل البيت ع الله لا يحرمنااا من كرمكم مولانااا |
احسنتم وبارك الله بكم
وطيب الله انفاسك مولاي ربي يحفظك ويخليك |
| الساعة الآن 01:31 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
Support : Bwabanoor.Com
HêĽм √ 3.1 BY: ! ωαнαм ! © 2010