انصار انصار للزهره ويعرفونا / ادخل هنا للبركه

[رياض الرسل]

أنصار أنصار للزهره ويعرفونه
***************
الها انصار ونصيح بأعــله صوت
مانهاب احنه المنيه ونخشه موت
ويـن متــريـــــد الها خدام ونفوت
نحچي احنه وخلهم ايسمعـونـــــه
أنصار أنصار للزهره ويعرفونه
*****************
نبقه خــدام ونطـيــع الهــا الأمـــر
والعــمــر كله نضحـيــه للعـــمـــر
مانهاب احنه ونخاف اهــل الغـدر
انطيعچ احنه وفنهم ايمنعــونــــه
أنصار أنصار للزهره ويعرفونه
*****************
للامــر كله نطـيـعــــه ونمـتــثـــل
وكل حـبــل حبهــا يضـل ومتصل
بشرف احنه انجاوب ولـو ننسأل
شيعـتــه الحـيـدر علي ايسمـونه
أنصار أنصار للزهره ويعرفونه
*************
نفدي كل اعــمـارنـه الها ونطيع
للمحـبـه انصونها ولا مانـبـيـــع
تبقه تربي عيونه الأرض البقيع
وتبچي من دم تبقه الها اعـيونه
أنصار أنصار للزهره ويعرفونه
****************
عالــدرب نبقه نسيـر و مانحـيــد
تبقه تكـبـر كل محـبـتـنـه وتـزيـد
چم شمر مر بينه احنه وچم يزيد
كلها تخسه وابد ميخــوفــونـــــه
أنصار أنصار للزهره ويعرفونه
****************
الچ وقـعــنــه عـهــدنـــه بـالــدمه
وعالعهد شاهد علي حامي الحمه
يبقه حبچ ثــوره بـيـنــه وقـائـمه
انحبچ احنه وخلهم أيـلـومــونـــه
أنصار أنصار للزهره ويعرفونه
***************
خادمكم
رياض الرسل

[سيد عدنان الحمامي]

احسنت ابو عباس وربي ايبارك فيك ويرعاك

ان شاء الله من انصار الزهراء ع

ومن المشمولين بشفاعتها ان شاء الله

تحياتي ودعائي

[خادم خدام الزجيه]

احسنت اكثثيييييييييييير شاعرنه الورد وربي يتقبل منك لكل خييييير

ننتظر من كتباتك الرائع والمميزه على حب محمد وآل محمد ص

وحشرك الله في زمرة محمد وآل محمد ص

واسئل الله دووم توفيق في خدمه محمد وآل محمد ص

ولاتنسونه من خالص دعائكم

لأن قربة ابواب الأختبارت ونرجوا منكم ان لا تنسونه من خالص دعائكم

في توفيق ونجاح

تحياتي ودعائي

[محمد أبورغيف]

الشاعر القدير رياض الرسل
حييت وبارك الله فيك للابيات الجميلة
كتبها الله لك في سجل الحسنات
تحياتي ودعائي

[ابو مجتبى البدراوي]

اللهم صل على محمد و آل محمد و آل محمد و عجل فرجهم
السلام عليكم ورحمة الله وبركاته

رائعه هي الكلمات التي نثرتموها علينا
جميل جداا