انكسر ظهري چثيره ذنوبي يحسين --

[سيد عدنان الحمامي]

قصيده ولائيه
-
-
المستهل
انكسر ظهري چثيره ذنوبي يحسين
شلون اهناك باچر ياضوه العين
حُبك معتقد بي -- نجاتي من الاهوال
...............
أشوف بعالم الرؤيه ------ چن يلحدني دفاني
علىْ باب اللحد سده ----- ومشو صحبتي وخواني
ظلام او وحشته ضليت ----- نكير ومنكر الجاني
اگعد يالعبد جاوب ------ شجاوب عگدوا الساني
مرعوب واصد بالعين
لچن گلبي نطق بالحين
خادم لبو اليمه حسين ----- بخدمة حسين عنواني
صحيبي بوحشتي حب ابو اليمه
ينورلي الگبر تنجلي الظلمه
بنوحي وخدمتي ليه .. نجاتي من الاهوال
----------------------------------
عافوني وخفوا بالحين ------ لن حسين يلفاني
وگلي يالچنت تذكر -------- حشاك اهناك تنساني
حاظر يالمحب يمك -------- شفيع الباري خلاني
وكل الي ذرف دمعه ------- ادخله اوياي بجناني
تطفي النار هالدمعه
وبلحدك الك شمعه
ترثيني بأ لم تنعه ------ تبچي الناس تنعاني
أفرح يالذرفت اعليه اللدموع
افرح يالكتبت الشعر مسموع
بلهفه صادقه اعليه .. نجاتي من الاهوال
--------------------------------
ابمد البصر وبلحضه ------- وگفت ابساحة المحشر
واشوف النبي واولاده ------ ايمتي اشبحت ليه انظر
النواضر لاحن العباس ------- من شوگي ركظت اعبر
على الوادم واهم اعليه ----- اشبگه ومنه اتعطر
تلگاني بلا چفين
احظنته احضني بالزندين
لن ذاك السهم بالعين ------ منه يكت دم احمر
واجت زينب وسكنه وكل الاطفال
نظرن للولي والدمع همال
ودمعي اوياهم اجريه .. نجاتي من الاهوال
--------------------------------
العبره اهناك خنگتني ---- مر موقف رهيب النوب
حرمه امن الحزن والهم ---- ملهوفه تدور اتلوب
دم الدمع جريانه ------ ونتها ابگلب معطوب
بس يحسين اه حسين ---- تصرخ والسمعها ايذوب
اثاري ام البنين اهنا ه
امضيعه اعزيزها وتلگاه
ابو اليمه الطفل وياه ---- نبله ابمنحره مصيوب
الصدره شابگه العبد الله وحسين
منزوع الچبد بمثلث البين
.امامي گمت اناديه... نجاتي من الاهوال
--------------------------------
يمين انظرت بعيوني ----- بصرت الحشر والوادم
كلها واگفه اهناكه ------ مبغض محب والنادم
لن سمعي دخله صوت ------- غضو البصر للقادم
طخو روسكم يا ناس ------- نظركم للجدم لازم
لن الطاهره ام حسين
بديها رافعه الچفين
والمثلث وسهم العين ------ يتگاطرن كلهن دم
تگله يالاهي شذنب اللچفوف
انگطعن يالاهي برض اللطفوف
وحزني اوياها ابديه .. نجاتي من الاهوال
---------------------------------
اجاها الصوت شتأمرين -------- گالت سيدي المعبود
اريدن شيعتي منك ------- منطيني عليها اوعود
واطلب مغفره ليهم ------- وبالرحمه عليهم جود
كلها ابجنتك ربي -------- اريد اتجازي يامحمود
تدري يالاهي ابدم
واسوني وتحملوا هم
وجاري اعليه مدمعهم ------ وهذي ادموعهم اللشهود
الاهي شيعتي لمصابي ناحت
الاهي شيعتي بدماها ضحت
وهذا المحب جازيه .. نجاتي من الاهوال
.
سيد عدنان الحمامي
-----------------------------------------



اللهم ارزقنا شفاعة الزهراء

[شجون الزهراء]

بسم الله الرحمن الرحيم
الَلهّمّ صَلّ عَلَىَ محمدوآل مُحَّمدْ الَطَيبيِن الطَاهرين الأشْرَافْ وَعجَّل فَرَجَهُم ياكريم.

قال الإمام الصادق(عليه السلام) : إنّ زائر الحسين جعل ذنوبه جسراً على باب داره ثم عبرها ،كما يخلف أحدكم الجسر ورائه إذا عبر
المصدر:
(كامل الزيارات: ص286ح1)


السلآم عليكـ يآ أبا عبدالله الحسين ..
اللهم ارزقنا زيارته و مغفرته في الدنيا و شفآعته في الآخره ..

الله يكتبنا معاكم .. لزيارة أبي عبدالله الحسين
أحسنتم و بوركت يمناكم وغفر الله ذنوبنا وذنوبكم بحق نحر الحسين عليه السلام
ووفقنا الله وإياكم لكل خير بحق الصلاة على محمد وآل محمد...

و نسألكم من خـــالـــص وصــــالــــح الـــدعــــاء....