نعي وابوذيات لشهر محرم والعليله ع

[ابو علي السعيدي]

حضرنه الدموع والهن العين
نريد النوح بس كله عل الحسين
ونطلم عالصدر بالحسره وونين
نصيح بصوت من زلم ونساوين
يستاهل بجي عليهم تلطمين
ونعزي الفاكده وي المعزين
نصيح الزهره تكعد بالدواوين
وتعاين صوب ابنه اليهمل اثنين
مهدل باللطم وبدمعه وادين
ومثل دكهم يروحي هم تدكين
لبو اليمه نذرنه هاي السنين
&&&
اون اعليك طول الدهر..ماون
وادور بالعزه المنصوب..ماون
الياوي بالدمع لحسين..ماون
الزهره اتكول مأواهم عليه
&&&&&&&&
الى العليله التي بقت في الدار اقول
تون الروح بويه عليك ملتاعه
تخليني بحزن مهمومه كل ساعه
اليفارك كل هله تتزايد اوجاعه
نويت عل الرحيل وشالت اشراعه
سفن بالصحره سارت الخاليه ارباعه
وبقيت انه العليله برهن والطاعه
اصبر رويحتي منتظره مرجاعه
علي الاكبر اخوي وعمي بذراعه
عيوني عل الدرب تنتظر سماعه
حافر خيلهم لو اجت مسراعه
العليله تقول
&&&
وين الاجه من احبابي..وعاناي
او وعه عل الحال من وني..وعاناي
بقيت اعل الدرب انطر..وعاناي
من كثر النظرت سوربت هيه
&&&
من كثر النظر انظر..لهم جاي
ولهمت الصبر من ضمي..لهم جاي
يطارش خبر الراحو..لهم جاي
يردولي الخبر هم بعد جيه
&&
خادم اهل البيت
ابو علي السعيدي