يالعندك آلام -- من جور الايام -- كعده -- في حق ام البنين ع

[سيد عدنان الحمامي]

بسمه تعالى

سلام عليكم

اسئل الله ان يقضي واياكم حوائجنا في حق ام البنين ع
--
--





المستهل

---

يالعندك آلام -- من جور الايام

لأم البنين انخاها -- وكت الشدد تلگاها

ماتظل منظام -- من جور الايام

----

ياهو هم اچبير عنده والوكت دوهن افكاره

وياهو مظنوك ابزمانه وقلل العوز اصطباره

وياهو من المرض يشكي والشفه مل انتظاره

لأم البنين ابلهفته -- من عدها يطلب حاجته

والباري يسمع دعوته -- حاله يتغير مساره

جربها فد يوم -- يالعندك اهموم

وشوف الكرامه العدها -- الله الذي امايدها

اتحققلك احلام -- من جور الايام

----

حّره ياحّره المثلها من نسب طيب اهلها

ومن علي اخذت تجارب والصفات الطيبه كلها

بالكرامه الباري خصها عالي عند الله محلها

بالعطه ماتبخل ابد -- ولاتخلف الواحد وعد

أم البنين ام الشدد -- المشكله هيه التحلها

ماتبخل اتجود -- وّفايه الوعود

بالكرم فايض چفها -- شنگول من نوصفها

واشتملي الاقلام -- من جور الايام

------

بالوفه ماصح مثلها حيرت كل واعي فكره

يُمه چان حسين الها ايصيح من راحت الزهره

اخّوه ربتله نشامه اتريد سالم يظل عمره

ايضحوله رادت بالدمه -- ورادت اتجازي فاطمه

وتوفي حماي الحمه -- وهالوفه منها ينظره

شتجيب اللبطون -- خلهم يشوفون

عباس من اتشوفه -- تدري يضحي اچفوفه

وعالظيم مينام -- من جور الايام

-----

اشبولها امن الاسد حيدر مامثلها يصح لبوه

رضعتهم وفه وغيره ابكل نفس زرعت النخوه

كل اخو احزام لاخيه اتگلهم اوبالشده تچوه

لحسين رادتهم ذخر -- ابساحة جهاده والنصر

اوياهم ترف راية بدر -- اجبال لوشافتها تهوه

ابسوح المنايا -- قدمت ضحايا

ابدور اربعه نذرتهم -- ابحب فاطمه ضحتهم

نصروا للاسلام -- من جور الايام

------

هاي هيه ام البنين اوهاي حكمتها وصبرها

امّكرمه ومهيوبه صارت نعجز انوصف گدرها

ابخدمة الزهره او ولدها جاهدت نذرت عمرها

لحسين لمن ودعته -- قربان قدمتله اخوته

ايعود الها سالم رادته -- وبعد ماشافه نظرها

متلهفه العين -- تبچي على حسين

ظلت عليه بالحسره -- سالم يرد تنتظره

بس ردت ايتام -- من جور الايام

--------

----

--

ابوذيه في حقها ع

---

ثدايه الطيب در الوفه داريت

وعليّ دنياي دورة حزن داريت

انه ام البنين شكثر داريت

وفديت اشبول للزهره الزجيه
--
سيد عدنان الحمامي



التوقيع http://www.yahawra.net/vb/image.php?u=57&type=sigpic&dateline=1239214358

[ابو مجتبى البدراوي]

اللهم صل على محمد و آل محمد و آل محمد و عجل فرجهم
السلام عليكم ورحمة الله وبركاته

رائعه هي الكلمات التي نثرتموها علينا
سيدنا الغالي
جميل جداا

[سيد عدنان الحمامي]

ابو مجتبى اسئل الله لك العافيه

لتتواصل معنا

في خدمة محمد وال محمد ص

اشكر مرورك الطيب

تحياتي ودعائي

[علي هاشم البدراوي]

احسنتم مولاي

بارك الله بكم وجزاكم الله الف خير

[خادم خدام الزجيه]

الله الله الله ابداااااااااااع سيدنا وربي يسلمك ويعافيك من كل شر

وعاشت يمناك في حق ام البنين ع

ورزقنا الله وياكم زيارتها

وسئل الله العلي القدير ان يوفقك في خدمة محمد وآل محمد ص

ولاتنسونه من دعواتكم

تحياتي ودعائي لجنابكم الغالي

[راية العباس]

رائع نسيج حرووفك سيدي
فقد ابدعت في نسج الحرووف ومنتقااها

أحــسنتم

تقبلني

[سيد عدنان الحمامي]

الله الله الله ابداااااااااااع سيدنا وربي يسلمك ويعافيك من كل شر

وعاشت يمناك في حق ام البنين ع

ورزقنا الله وياكم زيارتها

وسئل الله العلي القدير ان يوفقك في خدمة محمد وآل محمد ص

ولاتنسونه من دعواتكم

تحياتي ودعائي لجنابكم الغالي



احسن الله اليكم ووفقكم

في خدمة محمد وال محمد ص

اشكر مروركم الطيب وربي يرعاكم

ويخليكم ان شاء الله

تحياتي ودعائي

[سيد عدنان الحمامي]

رائع نسيج حرووفك سيدي
فقد ابدعت في نسج الحرووف ومنتقااها

أحــسنتم

تقبلني





احسن الله اليكم وربي ايبارك فيكم

وفي مروركم الطيب

اشكر الوفير لكم

تحياتي ودعائي

[سيد حسن الحسيني]

احسنت سيد عاشت ايدك دائما مبدع سيدنه ممنون تحياتي الك

[عاشقة زينب ع]

طيب الله انفاسكم وادام توفيقكم

[شجون الزهراء]

اللهم صل على محمد وال محمد
بارك الله بكم واجركم على مولاتنا ام البنين صلوات الله وسلامه
قضى المولى حوائجكم بحقها عند الله تعالى
وحشركم على حب محمد وال محمد

[خادمة الشفيع]

عطر الله انفاسك
سيدنا الغالي
كتبت فابدعت بارك الله فيك