هاي ام البنين اشعندك انخاها --

[سيد عدنان الحمامي]

--

هاي ام البنين شعندك انخاها

بكل شده وحگ عباس تلگاها

----

هاي ام البنين امجربيها الناس

هاي الحيدر وللزهره رفعت راس

اطلب حاجتك بس گلها يم عباس

بالزهره عليچ وسولف اوياها

----

وياها تسولف حاضره الحره

ولله ام البنين الخاطر اتجبره

عدها جاه عند الخالق اشكبره

دنيه واخره مهيوبه خلاها

-----

مهيوبه وابد مافشلت واحد

شما يطلب طلبته ايحصل وزايد

اطلب يالموالي اطلب شرايد

چم طلبه الگضت بالعين شفناها

---

هاي ام البنين الطلب مترده

انچان ابضيج انته وطايح ابشده

انخاها وحگ اللي حچه بمهده

اجبال ام البنين اتزيل دعواها

-----

هاي ام البنين الدوه الكل علّه

بلسم للجرح كل مشكل اتحله

كلشي ارخيص عدها وطلبتك سهله

وتحب الذي بحسين واساها

---

هاي ام البنين الواست الزهره

لحسين اربعه ضحت فده العمره

اوليدي اتصيحله بس رادت اتنظره

ولمن فگدته دم تهل عيناها

----

سيد عدنان الحمامي
(http://www.facebook.com/home.php?sk=group_166833730038660&view=permalink&id=172825182772848)

[شمس الهدى]

طيب الله انفاسك سيدنا
ع الابيات المميزه

[عاشقة زينب ع]

اللهم صل على محمد وعلى آله الطيبين الطاهرين
طيب الله انفاسكم وادام توفيقكم

[شجون الزهراء]

بسم الله الرحمن الرحيم
والحمد لله رب العالمين
وصلى الله على محمد وآل محمد الأئمة والمهديين وسلم تسليما كثيرا ً
، السلام على سيدتي أم البنين التي واست سيدتنا فاطمة الزهراء ع، بريحانة رسول الله صلى الله عليه وآله الائمة والمهديين وسلم تسليما كثيرا

طبتم وطابت احرفكم وطابت معاني الكلم في شعركم الولائي هنيئا لكم قلمكم شفيع الكم يوم الورود أن شاء الله تشهد لكم بما جاد قلبكم وخاطركم في حب العترة الطاهرة
حفظكم الله من كل عين يآخادم أهل البيت عليهم السلام

[خادمة الشفيع]

سيدنا الجليل
طابت انفاسك الولائية
المملؤة بحب العترة
واجرك على ام البنين ع

[أحلى بحراني]

بسم الله الرحمن الرحيم

بارك الله فيكم؛؛؛