يالكاظم اجيتك من هظم دنياي -- وفاة الكاظم ع

[سيد عدنان الحمامي]

بسمه تعالى

سلام عليكم

--

--

يالكاظم اجيتك من هظم دنياي -- ماغير الحزن والظيم جبته اوياي

--

يالكاظم دخيل اعليك اجيت اليوم -- اجبال امن الهظم احمل بعد وهموم

حاربني زماني امن اشوكت مظيوم -- وادري ماترد ملهوف الك لو جاي

--

مترد التعنه واسمع العندي -- اشكي علّتي واشكي هظم جبدي

ماتنشف دمعتي تحفر ابخدي -- كل يوم اليجيني ايزيد الي بلواي

--

بلواي اشكبرها ايصير تطردني -- اكضي حاجتي يالكاظم ارشدني

وآنه ادري تحل مشكلتي متردني -- وبنذري الك يابو الرضا وفاي

--

وفاي والك خضره جبت رايه -- يابحر الكرم يالمانشف مايه

يالكاظم دخيلك زاد بلوايه -- من هم العليّه ماصفالي راي

--

لاراي البقه لاحيل ظل بيّه -- يباب امراد عيني الجفك اربيه

ادري ابحضرتك كل حاجه مكظيه -- يمن حبك تراني بالدمه شراي

--

شراي اشتريته حبك ابعمري -- وكت العوز انته بعازتي ذخري

بيّه اشلون مايحمل بعد ظهري -- فرّح مهجتي يالكاظم وسلواي

--
سيد عدنان الحمامي


ش

[خادم خدام الزجيه]

الله الله رائع وجمييييييييل عاشت يمناك سيدنا الورد

وسئل الله ان يقضي لك كل حوائجك بحق الامام الكاظم ع

وان شاء الله يحقق مرادك بحق محمد وآل محمد ص

تحياتي ودعائي لجنابكم الغالي

[الرادود علي الحياوي]

السلام عليك ياباب الحوائج موسى بـن جعفر (ع) أسـال الله بحـق هــذا الامــام راهب ال محمد يشـافي شـاعرا الــسيد عدنان الحمامي و بارك الله فيك يامولاي