شلون حال العيد يمه؟لسان حال طفل استشهد في الانفجار؟الى ابن الناصريه اقول

[ابو علي السعيدي]

الى شهداء العراق في التفجير الدامي الاخير؟وشهداء الناصريه عن لسان احد الاطفال اقول؟

شلون حال العيد يمه.. واني امسيت بتراب
فجروني وصار موتي.. وصارت الدنيه ضباب


خذت عيديه ييمه..ورحت بيه للكبر
وظلت ابيدي امبجلبه..وخايف اتروح وتفر
شنهو ذنبي اللي جنيته.. فجرونه اهل الكفر
شلون يمه لوكرب يوم الحساب

من لبست هدوم عيدي..كاصد لعكد الهوى
شفت فرحانه المدينه..وجبدي يايمه ارتوى
وي ضحكات اليتامه..الوان من شفت الضوى
اتحملي وزر المصيبه واسي يايمه الرباب

حالي حال الناس اعيد..من بعد شهر الصيام
واحسبت فرحان اروحن..وكلت حل بينه السلام
مادريت اليوم اموتن..وهذا يايوم الختام
نوحي يايمه عل كبري وانصبي يمه المصاب

هاي روحي تظل رهينه..بذمته الخان العهد
من طلعنه سوه نركض..العيد جان النه الوعد
الضحكه يمه عل الشفايف..ويانه ياطير السعد
اليوم يايمه حزينه علينه كل هاي الشباب

حزنت الديره واخوتي..عل المصاب الصار بيه
وفزعت تعزي المدينه..وكل نواحي الناصريه
تصيح مفجوعه وتعزي..ويل هاي الناصبيه
عزي يايمه اخوتي وعزي يايمه بخطاب

خادم اهل البيت
ابو علي السعيدي

[سيد عدنان الحمامي]

انا لله وانا اليه راجعون

الله يلعن هالفكر الظالم الذي حلل دماء الابرياء

من اطفال نساء شيوخ شباب

اسئل الله ان يحشر شهدانا مع محمد وال محمد ص

احسنت ابو علي السعيدي

لك تحياتي ودعائي