مشيت بدرب حيدر وانه مامندوم؟ ايحاء النقس اقول

[ابو علي السعيدي]

مشيت بدرب حيدر وانه مامندوم
وحملت الصبر منه وانه باريته

خذت منه الحكم والعزم والايمان
واسمه عالصدر بالوان خطيه

حبيته بزغر من جان عمري ازغير
وعشت وياه عمري وابد منسيته

وعلموده احلمت جان الحلم مسموح
اسمي من الولد والصارت سميته

علي اول اسم بالروح هالموجود
من اسنين رابي وانه ربيته

واجه حيدر وبعده من اجه كرار
ومحمد علي عالنبي ركبيته

يابيت الهدايه التشع منه انوار
خمس انوار همه كل اهل بيته

حبك ياعلي هوه ركن الايمان
واليبغض علي معروفه تاليته

وبهذا الشهر شهرالهدايه وخير
حيدر ينطبر وتطيح ساريته

وصانه علي ومن وصه تدري شكال
تحفظه البشر لليوم اوصيته

يشفعلك بيوم الحساب ايصير
ويوكفك بالحشر حيدر وذريته


خادم اهل البيت
ابو علي السعيدي

[سيد عدنان الحمامي]

احسنت ابو علي السعيدي


اسعد الله ايامكم بلقاء الحسين (ع)
والثبات على خدمتهِ...
وان يجعل ايامكم كلها اعياد ومسرات ..
وتقبل الله صيامكم وقيامكم ..
وان يحفظ العراق من كل سوء.

[علي هاشم البدراوي]

احسنت عمي ابو علي ..

بارك الله بكم ولكم مني كل الاحترام والتقدير

اخوكم علي