---- وين اتريد يالاكبر اريد اوياك -- -- -- للاكبر ع

[خادم خدام الزجيه]

بسمه تعالى


سلام عليكم


--


--


--


وين اتريد يالاكبر اريد أوياك -- سالم بس تظل فدوه التعب برباك


--


أمك وتعبت برباك من ربيت -- وصرت انته ضوه يبني وعمود البيت


وهاكبرك ينبعه من صرت سريت -- تمشي شلون لا يالاكبر اترجاك


--


أترجاك يبني أگعد أگبالي -- يازهرة حياتي ونبعة آمالي


يوليدي يالأكبر ارحم بحالي -- تعمه اعيوني يوليدي عگب عيناك


--


بيّه اشلون يالاكبر دحاجيني -- عني اتغيب لا لتغيب تاذيني


يبني مهجتي انته وضوه عيني -- من ايدي اضيعك يبني وين الگاك


--


وين الگاك يبني لو رحت يبني -- عزيز وفرگتك يبني تشيبني


جاوبني يالأكبر يلله جاوبي -- عمري والعمر ماينفع ابلياك


--


ابلياك العمر وحشه لياليه -- لو شمسك بعد ماتطلع اعليه


اوليدي والأمل گلت أگعد ابفيه -- كل يوم اندعيلك يالولد يرعاك


--


يرعاك الالاه الصورك ادعي -- لو مهموم اشوفك ينطوي ضلعي


ماترضه يالاكبر من يهل دمعي -- الموت الموت أهون يبني لافرگاك


--


لا فرگاك أحمل يبني شيحمله -- ماشوفك ييمه أعليه مو سهله


ليّه اتعود سالم اظل متأمله -- تنساني ييمه لاتظن انساك


--


هم انسه اليالي البيها باريتك -- يانور اليشع لمن تطب بيتك


هاي اسنين تكبر يبني تانيتك -- تحرمني يالاكبر ياسبب دنياك


--


سيد عدنان الحمامي