شرد اسولف عالجره وشحجيلك؟الى سيدتي ومولاتي الزهراء ع اقول

[ابو علي السعيدي]

شرد اسولف عالجره وشحجيلك
دمع من دم رايد انه ابجيلك


شرد اسولف ياعلي والكم شكول
عالجره بالباب وبضلع البتول
شلون داسته فاطمه ذيج الخيول
وادري بالموقف صعب هد حيلك

ظلع واحد تعرفه منهو الظلع
كلب من ركن الهدايه منشلع
الرسول بفاطمه ظل منفجع
ينده بصوته علي يناديلك

شرد اسولف عالجره ولفاطمه
من عصره الباب وبسهمه رمه
طاحت عل الكاع مخضوبه بدمه
الك تنظر فاطمه تربيلك

الك تنظر عينه ام الحسن
والدموع اتفيض سيل من المزن
تصح ياويلاه من اهل الفتن
تصيح ياحيدر علي وتشكيلك

بين ظلع الزهره واظلوع الحسين
شلون طحنته العده والمجرمين
نفس ذيج الخيل خيل الظالمين
ونفس وجه ابن الدعي يصبيلك

ظلع اول منكسر من البتول
ونفس مجرى الدم وي دم الرسول
يوم طاح حسين وابين الجتول
صاح ربي مو اظلع افديلك

الك ياربي نذرت انه الحياة
ومايهمني اللي جرى من الجناة
علمتني العفه والدين وثباة
مثل ضلع امي ضلع احنيلك


خادم اهل البيت
ابو علي السعيدي

[خادمة الشفيع]

عطر الله انفاسكم
وجزاكم الله خير الجزاء

[سيد عدنان الحمامي]

http://www.taxi-bnat.com/free//uploads/images/taxi-bnat-41ed0c36f6.gif (http://vb.k6h6.com/t16166/)
وفقكم الله واعطاكم من افسحها منزلا ان

شاء الله

ورزقنا واياكم العافيه


http://l.yimg.com/lo/api/res/1.2/M9itFcy16cY0XgXwwKeDwA--/YXBwaWQ9bWtihttp://img522.imageshack.us/img522/3236/14sn3.gif

[ابو علي السعيدي]

الاخ الفاضل
الشاعر الكبير
السيد عدنان الحمامي المحترم
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي