قصيده بحق الزهراء (ع) ادخل للبركه

[رياض الرسل]

هـالـيـلـه بحـزن ودمــوع لـلشـيعــه نعـزيها
ابفگـد الـزهـره والدمعات من الگلب نجريها
********************
نجـري من الگلـب دمعـات نجــريهـا بـألم عـبــره
ونحزن والحــزن مطلوب لجل الطاهـره الــزهره
وخل نذكرها بالاحـزان ونـذكــر ساعة العــصره
كلـشي اتـذكـر بهـالـيــوم
لوعات وغصص وهموم
تستاهل الــزهــره ادموم
من عينك وهالدمعات لجل الزهره تبچيها
*********************
هــالـيــوم الــدمـع نيشـان منه الــوادم اتعــرفــك
من عالزهره تجري دموع لجلها دموعك تشرفك
ابچي بكل دمـوع العـيـن تـدري الـدمع شيكـلـفــك
يكلفك عـمــرك اتـنـذره
بحبها وهالعـمر خسره
هوايه تطلب الـزهـــره
تجازي الزهره شتقدم بعمرك ما تجازيها
*****************
حزنها واجب اعله الناس هاي ام الحسن وحسين
من تبچي وتــواسيـها للــزهــره بـرگـبـتــك ديــن
موالي وتنحسب مخلص وهذا الشرف تلگا ويـن
هذا الشرف بس عدها
الزهـره الباري خلدها
وانظـر ياهـو والــدهـا
طه المصطفى المختار واسي المصطفى بيها
******************
واسي المصطفى المخـتـار بدموع وحزن وهموم
ولا تـنـسه ابــد فـد يـوم للـزهـره ضلع مهـشــوم
وصب من عينك الدمعات مو دمعات صبها ادموم
صبها ادموم من عـينك
لجلها وضحي بسنينـك
وينـك يـالمحـب وينــك
يوم الـزهـره هذا اليوم بي لا تبخل اعليها
****************
لا تبخـل عـلـيـهـا دمـوع شـرف عـينـك بـدمعـك
وخلي الكون كل الكـون تبچي بفخـر ويسمـعــك
بغـيـر الـزهـره هالاعـمـال باچـر كلها متـنـفـعـك
الباري يـريد مرضاها
حجـه اعـلـيـنه خلاها
وبـيـن البشــر علاها
وانته يالموالي اليوم ضحي الروح وفديها
******************
ضحي بـروحـك الها وصير خـادم بين كل الناس
هاي الـزهره وبكل زود تاج تصير فوگ الراس
شتـقيس المحـبه شلون صعـبه وابد ما تـنقـاس
محـبتها فـرض واجـب
لـمـن يظهــر الغـايــب
بضلعها غيره ميطالب
ياخذ ثار ضلع الباب يفرحها ويرضيها
****************
رياض الرسل

[سيد عدنان الحمامي]

جميل البحر الطويل ابو عباس احسنت كثيرا

تحمل القصيده مفردات حزينه وشجيه

لمواسات الزهراء عليها السلام

احسنت ووفقت ان شاء الله

تحياتي ودعائي

[الشيخ باقر الصبيحاوي]

مشكوووووور والله يعطيك الف عافيه

[ابو حسن الحسيني]

احسنت واحسن الله اليك شاعر اهل البيت
استاذنا المبدع رياض الرسل تقبل مروري