دم القصيده؟لمناسبة مولد الرسول الاعظم محمد (ص) والامام الصادق ع اقول

[ابو علي السعيدي]

دم القصيده

ردت اكتب قصيده وبيه افرح الناس..لكيت احروفي تنحب تلطم المتنين
ولكيت الورق صافن والقلم مذهول..ومحبرتي اتجادح كله صارت عين
والصفحات تنزف والسطور تنوح..والجلمات كله تمرغلت بالطين
وشفت الشعر كله يقبل الاوداج..وشفت كل الدفاتر تلثم الجفين
شفت صدر القوافي يصيح ياعباس..وشفت العجز يصرخ وامامي حسين
وراجعت القصيده وبيه شفت النار..عطشانه ونختني الماي اجيبه منين

كتبت اول حرف جان الحرف موجود..وكتبت اخر لكيت لااوله يتاني
مهدل مستعد يلطم عالمتنين..ينطر شايل الزنجيل للثاني
ح.. وسين وياهن كتبت الياء..واريد اكتب النون ويثكل لساني
واطيح وي القلم كبل الدمع والروح..عشر تيام جانت روحي اتعاني
عن ياجرح اكتب هنه كومه جروح..وكل جرح الاذكره ادموع سواني
يادم القصيده البيه صفنه ونوح..وكفت تنتظر خياله اتاني

شذكر يامصيبه تريد عنه اخبار..رضيع حسين والنبله وكلب امه
لو سكنه العليله وخيام صارت نار..وهذا ايريد ابوه وذاك يم عمه
لو ارسم الك اهات اخت حسين ..يوم الطاح الاكبر يم ابو اليمه
لو عابس وجون ونافع اذكر ليك..لو عريس صارت حنته بدمه
لو عباس اذكره وزنده لمن راح..ومن صدره يتدنه حسين ويشمه
لو ميمون يصهل فزع العباس..كوم حسين طايح عالثره ولمه


خادم اهل البيت
ابو علي السعيدي

[عابس الشاكري]

http://www.neilshare.com/2012-05/yya13581.gif (http://www.h55h.com/)

[ابو علي السعيدي]

الاخ الفاضل
عابس الشاكري المحترم
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي