بأسم سيد الخاتمه..احنه نصعد للسمه؟لولادة الرسول الاعظم (ص) اقول

[ابو علي السعيدي]

بأسم سيد الخاتمه..أحنه نصعد للسمه

نطير احنه بالعوالي..اليوم نحيه الليالي
نفرح احنه ولانبالي..رغم جور الظالمه

نجتمع كلنه عل حبك..انت يالحباك ربك
وننتهج نهجك ودربك.. والكم انضحي الدمه

باأسمك يعم السلام..نور انت عالظلام
يحله بيكم هالكلام..انت ليه المكرمه

انت يانور الارض..اسمك علينه فرض
لازم احنه نتعض..بيك راعي الغانمه

انت ياخير العباد..انت حي عالجهاد
انت ياباب المراد..انت باب المرحمه

اليوم شاهد هالوفود..كل سنه الكم شهود
تجدد الفرحه تعود..تريد تصبح خادمه

يشتم اعطور العبير..هذا الجمع الغفير
نورك من الله جبير..يضوي ركن المظلمه

كلبي اليوم انشرح..وابتهل يدعو بفرح
رغم ماجان انجرح..من الوضع ويألمه

زينه نفرح بالبلاد..وننزعه ثوب السواد
اليوم أنشيله الحداد..وجوه الكم باسمه

اليحب يفرح فرحنه..وينرفع احنه علمنه
داري وكله وطنه..الفرحه ربي دايمه

خادم اهل البيت
ابو علي السعيدي

[سيد عدنان الحمامي]

حياك الله ابو علي السعيدي

احسنتم

واحسن الله اليكم

ووفقكم

يارب

http://files.fatakat.com/2010/3/1268826346.gif

[خادمة الشفيع]

متباركين بمولد الرسول الاعظم


ابو علي السعيدي


http://i468.photobucket.com/albums/rr43/sayedmido3/3.gif





http://i468.photobucket.com/albums/rr43/sayedmido3/q63.gif