هتفنه يبو اليمه هتفنه؟نداء زوار الامام الحسين ع اقول

[ابو علي السعيدي]

هتفنه يبو اليمه هتفنه
هتفنه بصوت يحسين..اجينه اليوم ماشين
هتفنه يبو اليمه هتفنه

اجينه زحوف مولاي..نواسي احنه السبايه
حملنه احزانه اجروح..وبيدنه اترف روايه
رغم جور المضه وفات..رغم جمع البلايه
ماهمنه الجره وصار.. دسنه على المنايه

ظلم كل جور السنين..نصيح بصوت يحسين
هتفنه يبو اليمه هتفنه

ندري الزهره وياي..تمسح تعب الايام
عهد منه كطعناه..نجيكم احنه كل عام
تحدينه الجره وصار..عليكم احنه نحتام
اسمع هاي الاصوات..بصدره حطت وسام

وسام الشرف والدين..تصيح بصوت يحسين
هتفنه يبو اليمه هتفنه

وحدنه مصابك ياولينه..اجتكم هاي الانصار
تصيح بصوت يحسين..جينه ناخذ الثار
المشي عبره ومواقف..ضد ازلام الاشرار
المشي قوه وعزيمه..بيه انواسي الاحرار
من نذكر الجفين.. نصيح بصوت يحسين
هتفنه يبو اليمه هتفنه

مشينه ايخوف اهواي..وبيه حكمه فريده
ليش تخافنه الناس..لاان ربك يريده
حسين النهج للدين..دين الله وشهيده
الك يحسين ينعاد..كل عام و نعيده

الك متعنيه صوبين..تصيح بصوت يحسين
هتفنه يبو اليمه هتفنه

صحنه بجلمه وبصوت..ورفعنه الرايه للناس
نجسد بيه الادوار..ونشيله الرايه بااحساس
موقف زينب اشلون ..يوم الطاح عباس
يمه طاحت اجفوف.. شافت عالرمح راس

يوم انصابت العين..نصيح ابصوت يحسن
هتفنه يبو اليمه هتفنه

خادم اهل البيت
ابو علي السعيدي

[خادمة الشفيع]

ابيات جميلة
عطر الله انفاسك


http://ylaa.com/ylaaforum/uploaded/155813_1291647435.gif