شيعة الموصل توفي بدينهه..رفعت الرايات اجت لحسينهه؟ الى زوار اهالي الموصل وكل المدن اقول

[ابو علي السعيدي]

بسم الله الرحمن الرحيم
الاخوه الاعزاء
في طريق الحسين ع وفي مدينة النجف الاشرف اليوم كتبت هذه القصيده مع مجموعه من اهالي الموصل شعيت الحسين ع لسان حالهم اقول؟

شيعة الموصل توفي بدينهه
رفعت الرايات اجت لحسينهه

شعية الموصل اجت مشايه
تلطم عالصدر رفعت رايه
تصيح يامولاي انت الغايه
احنه اسمك ابدا ماناسينهه

جينه لااجل حسين نرخص هالدماء
تقدم الارواح لسيد الشهداء
جينه مشايه احنه لكربلاء
جينه لزينب احنه انعينهه

جينه لزينب نتلكه الحرم
مايهمنه الخطر والجوع الالم
الك يامولاي كلحنه خدم
بس الك يحسين تنطي اسنينهه

بس الك يحسين مرهون العمر
نلعن ابن زياد والخول وشمر
مانهاب الموت دسنه عالجمر
تمشي جت لكربله لحسينهه

تواسي جت لكربله ام البنين
تواسي الزهراء وانصار الحسين
تصيح يامولاي انذرنه السنين
جينه لااخت حسين حتى انعينهه


خادم اهل البيت
ابو علي السعيدي

[علي هاشم البدراوي]

بارك الله بكم وجزاكم الله الف خير

لكم مني كل الاحترام والتقدير


اخوكم علي

[خادمة الشفيع]

قصيدة رائعة جدا
اسئل الله ان يحفظ جميع المشاية من الشمال الى الجنوب
عطر الله انفاسك الحسينية
ابو علي السعيدي