قصيده طلب حاجه الى موسى بن جعفر (ع)

[رياض الرسل]

من ضيمي وعذابي وجور كل دنياي
ياموسى ابن جعفر جيت الك شچاي
****************
الك شچــاي اجـيـت وبـالـدلـيـل الـنـار
دوهـنـي زمـانـي ســيــدي ومــحــتـار
يـل بـابـك وسيـعـه وما تــرد خــطـــار
خطـارك اجـيـت وجـبـت هـمي ويــاي
***************
جبت كل الهـمـوم ويـــاي واتصــبــر
واجيت لحـضـرتـك والگلـب يـتفـطــر
مـا خاب الـيـگـصـدك يـاشـبـل جعـفـر
يـل بـالشـدد تـوگــف يا امل رجــواي
**************
يـل كـل الامـل بـيـك الامـل مــعگــود
ولو ضاگت الـدنيه والـدرب مســدود
ما عود ابــد لهـلـي خالي لا مـاعــود
الك حامل الــداي وردت تشفي الداي
****************
تعرف داي البــروحي وعـليه الصـار
وتـراهـن حـاوطني ومو ازغار اكبـار
علي حملي ثگــل وتحـمـلـت اخــطـار
وتعـرف زيـن يـاموسى سبب بلــواي
****************
سـبـب بـلـواي كـلـش زيــن تعــرفـها
واخاف الغـيـرك بأي صوره اكشـفها
مـا حـاجــه بعــد للحالـه اوصــفــهــا
تعــرف حاجـتي ومـنـك اريـــد ادواي
****************
اريــد ادواي مــنــك مــا ارد هـيـهــات
بشـبـاچـك وابـچـي وانته ابــو الكـلـفات
ربــك جــاعـلـك يــامــوسى لــلحــاجـات
بــاب وتـظــل مـصــدر لـلاجــه عــنــاي
**************
وانه العـناي اجيت لحضـرتــك ملهـوف
مــن جور الليـالي امحـيـر ومچـتـــوف
يبو اچفوف السخيه الماعـلـتها اچفوف
اريــد بجاهــك ادعي وما تــرد دعواي
**************
مقـبــولـه بحـضـرتـك دعــوة المظـلـوم
يمظـلـوم وغـريـب وبـالسجــن مسموم
اريـد بحـگ غـربـتـك ما تظـل اهـمــوم
ومـن اطـلـع نـتـيـجــه رايـد الشـكــواي
**************
رياض الرسل

[خادم خدام الزجيه]

احسنت شاعرنه الورد وربي يتقبل منك يااغالي

وننتظر كل ابدعاتك الحسينيه الرائعه والمميزه

وسئل الله العلي القدير ان يقضي حوائجك وحوائج جميع المؤمنين والمؤمنات

وسئل الله ان يوفقك في خدمة محمد آل محمد ص


تحياتي ودعائي

[الشيخ باقر الصبيحاوي]

http://www.iraqup.com/up/20110420/URN86-x0hk_643636465.gif (http://www.iraqup.com/)

موفقين لكل خير

على هذه القصيده

الرائعه موفقين انشاء الله

بانتظار جديدكم والمزيد

[رياض الرسل]

السلام عليكم

خادم خدام الزجيه


مرورك شرفني كثيرا
وجزاك الله عليه خير الجزاء
دمت بكل خير

رياض الرسل

[رياض الرسل]

السلام عليكم

شيخ باقر المحترم



مرورك شرفني كثيرا
وجزاك الله عليه خير الجزاء
دمت بكل خير

رياض الرسل

[سيد عدنان الحمامي]

ابو عباس الورد احسنت كثيرا


اسئل الله ان يقضي واياكم حوائجنا

في حق باب الحوائج موسى والجواد ع

تحياتي ودعائي

[رياض الرسل]

السلام عليكم

سيد عدنان الحمامي

مرورك شرفني كثيرا
وجزاك الله عليه خير الجزاء


رياض الرسل