الكاصد العباس يوم زيارته..ندري بالزهراء هيه تلكته؟ لزوار الامام الحسين واخيه ابو الفضل عليهم السلام اقول

[ابو علي السعيدي]

الكاصد العباس يوم ازيارته..ندري بالزهراء هيه اتلكته

الكاصد العباس ويخط الجـدم
ينكل الخطوات بالحسره والم
والدموع اتسيل ممزوجه بندم
ويشكي للعباس حاله حالتـه

اعتنه المهموم كاصد للضريح
وبصحن عباس رايد يستريح
مثل جرحك هو مهظوم وجريح
بجفك المكطوع تمسح دمعتـه

بجفك المكطوع تدخل شيعتك
وتنطي امراده الدخل وبكبتك
اتحمل الايام جايب رايتـك
وجفك المطبوع هو برايتـه

بحضرتك من دخل زايـر عليـك
كاصد من بعيد جـاي ومعتنيـك
ياخذ الترخيص من حسين ويجيك
وهـذا برهـان وردع للعـادتـه

الزار كبرك سيدي وجاكم يسير
ادري وبدنيـاه ابـدا مايحيـر
طلعت الالاف بيكـم تستجيـر
من عذاب الكبر ضغطه وساعته

من عذاب الكبر من تحضر اله
تخفف الالام وانـت بكربلـه
الف هنياله الصعـد بالقافلـه
وي ابو السجاد جانـت نيتـه

وي ابو السجاد والحيد الكفيـل
همه البرهـان للنـاس ودليـل
اتنخه باسم حسين كل همك يزيل
واذكر العبـاس ذكـره بخوتـه

اذكر العباس من خاوه الحسين
ثبت اركان الهدى للمومنيـن
بالحزن والنوح والالام وحنين
وندري وي الجود ماخذ شيعته

يدري بالزهراء موجوده وتشوف
وتنظر العباس مبتـور الجفـوف
شلون حاله من وكع بيوم الطفوف
بلاجفـوف الكـاع هـي تلكتـه

خادم اهل البيت
ابو علي السعيدي