شدينه العزم بالله انتخينه..وعل درب الحسين توكلينه؟نداء زوار الامام الحسين ع اقول

[ابو علي السعيدي]

شدينه العزم بالله انتخينه..وعل درب الحسين اتوكلينه
ماهزتنه الارهاب..ذوله اذناب الاجناب
ممشه عالجدم مولاي اجينه

اجينه ازحوف نمشي وي الايام
ماهمنه البرد كل سنه وكل عام
شما تقسه علينه اعليك نحتام
لاهمنه اليفجر صوب اسهام

حبك هو الجواب..وحدنه عل المصاب
اليوم لكربله احنه اعتنينه

اعتنينه انزورك ورغم المصايب
من كفر وزلم ذيج النواصب
لطمنه الصدر شدينه الرجايب
نصيح بصوت اتلكه الحبايب

ذوله هم الالباب..والك بالدنيه ا لاصحاب
اجوك ازحوف عنوه للسفينه

شدينه الحزم وحضرنه المتاع
وانصبنه الحزن بكلوبنه اشراع
واكطعنه الفيافي أبطوله الكاع
بعد ايام ويمر بينه الاوداع

نحضر يم ابو تراب..بحصنه وندخل الباب
ياباب الندخله بكل سكينه

اجت الاف وي الاف لحسين
حزينه وجوهه بس تهمل العين
تصيح بصوت ياصوت المشيعين
اجينه والجدم عفر هالجبين

منكم ناخذ ثواب..والكم احنه احباب
لعباس الشهم باب المدينه

ندخل عالصحن زوارك انطوف
تتشابج ادينه الاف والوف
نحضن بالضريح بكلب ملهوف
ماهمنه العسر والصحره والخوف

ماهمانه الصواب..وكلشي بينه انعاب
بس عدنه الاهم نوصل ولينه

خادم اهل البيت
ابو علي السعيدي