صوت اليقينا..ناده حسينا..ياحشود الزائرين..هذا يوم الاربعين؟؟قصيده مكتوبه وصوتيه؟بصوت الرادود السيد عماد الموسوي؟

[ابو علي السعيدي]

صوت اليقينا نادى حسينا
ياحشود الزائرين هذا يوم الاربعين
نقصد حسينا

يالگاصد تزور حسين ممشه تواسي الزهـــــره
من توصل ضريح حسين شمّه وطوف بالحضــره
كل خطوه التزور حسين محسوبه بألف عمـــره
بيهه يشربك الكـــــــرار شربة ماي من نهـــره

نحن روينا حوض علينا
ياحشود السائرين قد عدونا للامين
نقصد حسينا

سلم له الامين حسين اكبر ثوره شايلهـــــــه
بيهه استوعب المنهاج الفكره وهو حاملهــــه
يوم الخاطب الكفـــــار احله كلمه گايلهـــــه
خــذيني ياسيوف اليوم الثوره بدمي كافلهه

بهم نجينا ولهم رجينا
ياحشود القادمين العفو منهم املين
نقصد حسينا

العفو صاير الك بحسين بيه تعــــلن التوبــــه
بيه اليطلب الغفران ربك يمحي اذنوبـــــه
دمعك لو همل لحسين كل گطراته محسوبــه
ودگك عالصدر بالايد بشرع الشيعه مطلوبه

نحن نوينا ولكم اتينا
ياحشود التائبين واليكم قاصدين
نقصد حسينا

احنه من نزور حسين الالم والفرحه تجمعنــه
المنا امصاب ابو اليمه وفرحنا بگبره لو طفنه
لان هو الشفيع اهناك بيوم الحشر يحضرنه
يهّود كل گلب مالــوم يخفف كل مصايبنــــه

بهم سلينا فعل يدينا
ياحشود الصابرين راجيا منك المعين
نقصد حسينا

اخذهه حكمه من عندي الشفاعه من تحب حــــسين
يــوم التذكر مصابـــه ويهل الدمع عالخدــــــــين
واحذر من رياء الناس الله يهـــلك الغاويــــــــن
خل حبك لبو اليمه ورسوله وعترته الطيبين

يوم انحنينا لقبر حسينا
ياحشود القائمين صلوا صلوا عالحسين
نقصد حسينا








بسم الله الرحمن الرحيم،،
اللهم صل على محمد وآل محمد وعجل فرجهم الشريف وأهلك أعدائهم في الدنيا والآخرة،،
السلام على الحسين وعلى علي إبن الحسين وعلى أصحاب الحسين وعلى أولاد الحسين،،
السلام على النحر المذبوح، السلام على القلب المجروح، السلام على الجسد المطروح،،
السلام عليكم ورحمة الله وبركاته،،


إخواني أخواتي الموقرين تحية زينبية لكم ، أقدم لكم قصيدة "ياحشود الزائرين..هذا يوم الاربعين"
http://www.wlidk.net/dldce464263.mp3.html



بقلم : شاعر أهل البيت أبو علي السعيدي
وبـ صوت : الرادود الحسيني السيد عماد الموسوي



نسألكم الدعاء، وربي يبارك بالجميع ويجزيهم ألف خير بحق محمد وآله الطيبين الطاهرين،،


خادم اهل البيت
ابو علي السعيدي