جيل يسلمه لجيل..ومنه ماتعب حيل؟رايات الوفاء لانصار الامام الحسين ع اقول

[ابو علي السعيدي]

جيل يسلمه لجيل..ومنه ماتعب حيل
شعار حسين والعباس..يبقى التاج فوك الراس
تشيله نهار والليل

يااحلى شعار بهل الزمن موجود..بيه جف ابوفاضل رايته والجود
كل عام بمحرم يرجعنه اردود.. رايه تنرفع بدين كله حيود

بغيره وهمه والاحساس..نرفع راية العباس
نرده الرايد ايعيل

تعلمنه دروس الغيره من عدهم..بالاف الرجال تعده واحدهم
ياويل الظلم كلمن وساندهم..يظل يظل رافع الرايه الحجه شاهدهم

يحارب كل كفر وارجاس..ويطرد كل ظلم خناس
وبيده يشربه الويل

ملاحم للبطوله تنرسم وجهين..عن جف الاخوه ورايته والعين
ثبت هالمعاني وشالهن لحسين..مثل عباس شاهد يظل يوم الدين

تعرفه المثل هالناس..بيه الخوه تنقاس
يوم الركضت الخيل

ثورات البطوله بكل زمان اتصير..من بدء الخليقه لهل الوكت لاتحير
ومثل يوسف واخوته الذبته بالبير..وعن عباس مايحتاجلك تفسير

هوه قائد الحراس..هوه الشمعه والنبراس
وبعزمه نشد الحيل

عباس الهويه وصورت الجفين..يحمله الموالي واليزور حسين
رايات الاجت متلهفه من اسنين..تهمل بالدمع ينصب عل الطيبين

يوم الدكت اجراس..بيه تكطع الانفاس
يوم تصيح ياويل



هالرايه عقيده ومبدء وانصاف..مرفوعه عل متنه من الاجت الاف
ماهمه الظلم والبطش الا متخاف..متعنيه الحسين براية الاشراف

بيه الدرع والطاس.. وبيه اجفوف عباس
منتظره منو يشيل

خادم اهل البيت
ابو علي السعيدي

[خادمة الشفيع]

عطر الله انفاسك الحسينية
شاعرنا القدير
بارك الله فيك